How to Make Tomato Nilva Pachadi: పచ్చళ్లు అనగానే ఎక్కువ మందికి ఆవకాయతో పాటు టమాట పచ్చడి గుర్తొస్తుంది. అందుకే చాలా మంది దీన్ని రకరకాలుగా ప్రిపేర్ చేసుకుంటుంటారు. అయితే మెజార్టీ జనం టమాటలతో నిల్వ పచ్చడి పెట్టుకుంటారు. ఇంట్లో కూరగాయలు లేనప్పుడు ఈ పచ్చడిని తాలింపు పెట్టుకుని తింటే ఆరోజు గడిచిపోతుంది. అందుకే ఇదీ ఎప్పుడూ బోర్ కొట్టొదు. అయితే ఈ రోజుల్లో పచ్చడి ప్రిపేర్ చేసుకునే తీరిక లేక, పెట్టడం రాక చాలా మంది మార్కెట్లో తయారు చేసిన పచ్చళ్లను కొంటున్నారు. అయితే ఇప్పుడా అవసరం లేకుండా సూపర్ టేస్టీగా పైగా నెలల పాటు నిల్వ ఉండేలా టమాట పచ్చడి పెట్టుకోండి. సూపర్గా ఉంటుంది. మరి, లేట్ చేయకుండా ఈ పచ్చడికి కావాల్సినవి పదార్థాలు, తయారీపై ఓ లుక్కేయండి.
కావాల్సిన పదార్థాలు:
- టమాటలు - అరకేజీ
- నూనె - 1 టీ స్పూన్
- చింతపండు - 50 గ్రాములు
- మెంతులు - 1 టీ స్పూన్
- ఆవాలు - 2 టీ స్పూన్లు
- పొట్టు తీసిన వెల్లుల్లి రెబ్బులు - పావు కప్పు
- కారం - అర కప్పు
- ఉప్పు - పావు కప్పు
తాలింపు కోసం:
- నూనె - అరకప్పు
- ఆవాలు - 1 టీ స్పూన్
- జీలకర్ర - అర టీ స్పూన్
- పచ్చి శనగపప్పు - 1 టీ స్పూన్
- మినపప్పు - 1 టీ స్పూన్
- ఎండు మిర్చి - 2
- వెల్లుల్లి రెబ్బలు - 8
- కరివేపాకు - 2 రెమ్మలు
తయారీ విధానం:
- టమాటలను శుభ్రంగా కడిగి తడి లేకుండా తుడిచి ముక్కలుగా కట్ చేసుకుని పక్కన పెట్టుకోవాలి.
- స్టవ్ ఆన్ చేసి పాన్ పెట్టి నూనె, టమాట ముక్కలు, చింతపండు వేసి కలిపి మూత పెట్టి సిమ్లో ముక్కలు మెత్తగా, నీరు ఇంకిపోయే వరకు ఉడికించుకోవాలి.
- టమాట ముక్కలు ఉడికిన పాన్ను పక్కకు పెట్టి పూర్తిగా చల్లారనివ్వాలి.
- అదే స్టవ్ మీద మరో పాన్ పెట్టి ఆవాలు, మెంతులు దోరగా వేయించుకుని స్టవ్ ఆఫ్ చేయాలి.
- ఆవాలు, మెంతులు పూర్తిగా చల్లారిన తర్వాత మిక్సీజార్లోకి వేసుకుని మెత్తగా పొడి చేసుకుని పక్కన పెట్టాలి.
- ఇప్పుడు అదే మిక్సీజార్లోకి ఉడికించిన టమాట ముక్కలు, పొట్టు తీసిన వెల్లుల్లి రెబ్బలు, కారం, ఆవాలు మెంతి పిండి, ఉప్పు వేసి మెత్తగా గ్రైండ్ చేసుకోవాలి. అయితే రుచి చూసి ఉప్పు, కారం సరిచూసుకోవాలి.
- ఇలా గ్రైండ్ చేసుకున్న మిశ్రమాన్ని తాలింపు పెట్టుకోవాలి. అందుకోసం స్టవ్ ఆన్ చేసి పాన్ పెట్టి నూనె పోసి వేడి చేసుకోవాలి.
- ఆయిల్ కాగిన తర్వాత ఆవాలు, జీలకర్ర, శనగపప్పు, మినపప్పు వేసి వేయించుకోవాలి.
- ఆ తర్వాత ఎండుమిర్చి, వెల్లుల్లి రెబ్బలు వేసి ఫ్రై చేసుకున్న తర్వాత కరివేపాకు రెమ్మలు, పసుపు వేసి వేయించుకోవాలి.
- చివరగా గ్రైండ్ చేసుకున్న టమామ మిశ్రమం వేసుకుని బాగా కలిపి గాలి పోని డబ్బాలో స్టోర్ చేసుకుంటే సరి. ఎంతో టేస్టీగా ఉండే టమాట నిల్వ పచ్చడి రెడీ. అయితే ఈ పచ్చడిని ఫ్రిజ్లో పెట్టుకుంటే ఆరు నెలలు, బయటైతే రెండు నెలల పాటు నిల్వ ఉంటుంది.
- ఒకవేళ మీరు ఎక్కువ మొత్తంలో ప్రిపేర్ చేసుకుంటే గ్రైండ్ చేసుకున్న తర్వాత డబ్బాలో పెట్టి ఫ్రిజ్లో పెట్టుకుని ఎప్పుడు కావాలంటే అప్పుడు తాలింపు పెట్టుకుంటే సరి. నచ్చితే మీరూ ట్రై చేయండి.
కమ్మటి "పండుమిర్చి పచ్చడి" - ఈ కొలతలతో పెడితే ఏడాది నిల్వ!
ఉడకబెట్టకుండా మిక్సీ పట్టి "చారు" చేసుకోండి - నిమిషాల్లో వావ్ అనిపించే టేస్ట్తో!
