ఎడారి దేశాల ప్రాచీన ఆహార పదార్థాల్లో ఒకటైన ఖర్జూరంతో ఆరోగ్య ప్రయోజనాలు ఎన్నో. ప్రధానంగా బరువు తగ్గడంలో ముఖ్య పాత్ర ఇది పోషిస్తుందని ఆరోగ్య నిపుణులు అంటున్నారు. ఉష్ణమండల ప్రాంతాల్లో విరివిగా లభించే ఈ ఖర్జూరంతో రోగనిరోధక శక్తి పెరుగుతుందని, రోజువారీ ఆహారంలో ఖర్జూరంను ఎంచుకున్నట్లయితే బరువు తగ్గొచ్చని సూచిస్తున్నారు.
ఖర్జూర తింటే ఏమవుతుంది?
ఖర్జూరంలో ఐరన్తో పాటు బి1, బి2, ఏ1, విటమిన్ C వంటి అనేక పోషకాలు సమృద్ధిగా లభిస్తాయి. ఇవి చెడు కొవ్వును అదుపులో ఉంచుతూ.. జీర్ణవ్యవస్థను మెరుగుపరుస్తుంది. వీటిలో ఉండే ఫైబర్తో కడుపు నిండిన భావన కలుగుతుంది. ఇక ప్రోటీన్లు జీవక్రియను పెంచడంలో సహాయపడతాయి. వీటితో పాటు.. గుండె జబ్బులు, వివిధ క్యాన్సర్లను నివారించే యాంటీఆక్సిడెంట్‌లు కూడా ఖర్జూరాల్లో ఉంటాయి. ఇక అన్సాచ్యురేటెడ్ ఫ్యాటీ ఆమ్లాలు.. ఊబకాయం, మధుమేహ నివారణకు దోహదం చేస్తాయి.
100 గ్రాముల ఖర్జూరంలో లభించే పోషకాలు:
- కేలరీలు: 277
- పిండి పదార్థాలు: 75 గ్రాములు
- ఫైబర్: 7 గ్రాములు
- ప్రోటీన్: 2 గ్రాములు
- పొటాషియం: 20%
- మెగ్నీషియం: 14%
- రాగి: 18%
- ఐరన్: 5%
- విటమిన్ బి6: 12%
ఖర్జూరంలో రకాలుంటాయా?
మీరు బరువు తగ్గడానికి ప్రయత్నిస్తున్నట్లయితే అత్యంత పోషకాలు కలిగి ఉండే 'మెద్జూల్', 'డెగ్లెట్ నూర్' అనే రెండు రకాలను తీసుకోవాలని ఆరోగ్య నిపుణుల సూచిస్తున్నారు. రోజూ 4-6 ఖర్జూరాలు తింటే మేలని.. ఉదయం ఒక గ్లాసు బ్లాక్ కాఫీ, సాయంత్రం ఒక గ్లాసు పాలు/ టీ/గ్రీన్ టీతో తీసుకోవచ్చని అంటున్నారు.
- గింజలు తీసిన ఖర్జూరాలను చక్కెర వేసుకోకుండా పాలల్లో వేసుకుని తినొచ్చు. పెరుగుతోనూ కలిపి తినొచ్చు.
- తృణధాన్యాలతో కలిపి తీసుకోవచ్చు.
- ఓట్స్ /కార్న్‌ఫ్లేక్స్‌తోనూ తినొచ్చు.
ఇవీ చదవండి:
