Tips for better sleep: నిద్ర అనేది మనిషికి దేవుడు ఇచ్చిన వరం. కానీ నేడు చాలా మంది సరైన నిద్ర లేకపోవడం వల్ల అనేక రకాల సమస్యలను కొనితెచ్చుకుంటున్నారు. నిద్రకు భంగం కలిగించేవాటిలో మొబైల్ ఫోన్ ఒకటి. ఇందులో ఉండే బ్లూలైట్ అనేది అత్యంత ప్రమాదకరమైనది. ఈ బ్లూలైట్ వల్ల మన శరీరం మీద దుష్పరిణామాలు సంభవించే ఆస్కారం ఉంది. నిద్రకు భంగం కలిగే అవకాశం ఉంది. కాబట్టి టీవీలు, కంప్యూటర్లు, ఇతర బ్లూలైట్ ఉన్న పరికరాలను స్విచ్ ఆఫ్ చేయండి. రాత్రి పడుకోవడానికి అరగంట ముందే బ్లూలైట్లన్నీ ఆర్పేయాలి.
రాత్రిపూట గాఢ నిద్రపోవడం వల్ల అనేక ప్రయోజనాలు ఉన్నాయి. మధ్యాహ్నం సమయంలో 20నిమిషాలకు మించకుండా కునుకు తీస్తే.. రాత్రి పూట మెరుగ్గా నిద్రపోవచ్చు. రోజంతా ఫ్రెష్గా ఉండొచ్చు. మధ్యాహ్నం వేళ నీరసంగా అనిపిస్తే.. కొద్దిదూరం నడక, గ్లాసు చల్లటి నీళ్లు తాగడం, ఫోన్లో మాట్లాడటం మంచిది. నిద్ర వచ్చినా.. నిద్రపోకుండా ఉండటం మంచిది కాదు. నిద్రను నిర్లక్ష్యం చేస్తే అనేక దుష్ప్రభావాలు తలెత్తుతాయి. నిద్ర తగ్గితే బీపీ, షుగర్ పెరగడం, గుండె సంబంధిత సమస్యలు, తలనొప్పి వంటివి వస్తాయి. ఐదు రోజులు వరుసగా నిద్ర పోకపోతే.. వెంటనే డయాబెటిస్ వస్తుందని నిపుణులు చెబుతున్నారు.
ఎంతసేపు నిద్రపోవాలి? వయోజనులు 8 గంటలు నిద్రపోవాలి. అప్పుడే పుట్టిన పిల్లలు 12-16 గంటలు ఉండాలి. టీనేజర్లకు 9 గంటల నిద్ర అవసరం. దిండు బాగా ఎత్తుగా, లేదా మరీ కిందకు ఉండకుండా చూసుకోవాలి. టీవీ చూసే సమయంలో మెడను కొంగలా వాల్చకూడదు. బెడ్రూంని కేవలం నిద్రకే పరిమితం చేయాలి. గది ఉష్ణోగ్రత ఎక్కువ వేడి, ఎక్కువ చల్లగా లేకుండా చూసుకోవాలి. కాఫీ తాగే అలవాటు ఉంటే.. నిద్రకు ముందు తాగడం మానుకోవాలి. నొప్పి నివారణ మందులు, బరువు తగ్గించే మందుల వల్ల నిద్రకు భంగం కలుగుతుంది. నిద్రపోవడానికి నాలుగు గంటల ముందే వ్యాయామం చేసుకోవాలి. యోగా, ధ్యానం వంటివి నిద్ర రావడానికి చక్కటి చిట్కాలుగా ఉపయోగపడతాయి. రాత్రిపూట అల్పాహారం తీసుకోవాలి. ఆల్కహాల్ తీసుకోవద్దు. నిద్రపోవడానికి రెండు గంటల ముందు నుంచే ఎటువంటి పానీయాలు తీసుకోకూడదు.
మరి మధ్యాహ్నం 2 గంటలు పడుకొని, రాత్రి 6 గంటలు పడుకుంటే నిద్ర సరిపోతుందా? నిద్రలో ఉండే స్టేజీలు ఏంటి? నిద్ర రాకపోవడానికి కారణాలేంటి? వంటి ప్రశ్నలకు సమాధానాల కోసం కింది వీడియోను చూసేయండి.
- " class="align-text-top noRightClick twitterSection" data="">
ఇదీ చదవండి: ఊపిరితిత్తుల క్యాన్సర్‌ చికిత్సలో.. బుల్లి రోబో!
