పీరియడ్స్ సమయంలో కడుపునొప్పి వస్తే పిల్లలు పుట్టరా? సెక్స్​కు వయోపరిమితి ఉంటుందా?

సాధారణంగా మహిళలకు గర్భం దాల్చడం, శృంగారంపై అనేక అనుమానాలు ఉంటాయి. పీరియడ్స్ సమయంలో కడుపునొప్పి వస్తే పిల్లలు పుట్టరా? శృంగారం ఎంత సేపు చేయవచ్చు? సుఖప్రాప్తి పొందాలంటే ఏం చేయాలి? సెక్స్​కు వయోపరిమితి ఉంటుందా? అనే ప్రశ్నలకు నిపుణులు ఏమంటున్నారంటే?

మహిళలకు పీరియడ్స్ సమయంలో అనేక అపోహలు ఉంటాయి. పీరియడ్స్ సమయంలో కడుపునొప్పి వస్తే గర్భం దాల్చుతామా లేదా అనే అనుమానం ప్రస్తుతం ఎక్కువ మంది మహిళల్లో ఉంది. అలాగే శృంగారం ఎంతసేపు చేయవచ్చు? సుఖప్రాప్తి పొందేందుకు మహిళలు ఏం చేయాలి? శృంగారానికి వయోపరిమితి ఉంటుందా? ఇలాంటి ప్రశ్నలు మహిళల మదిలో ఉంటాయి. అయితే ఇలాంటి ప్రశ్నలకు నిపుణుల సమాధానాలు ఇవే?

పీరియడ్స్ సమయంలో కడుపు నొప్పి వస్తే పిల్లలు పుట్టరా?
మహిళలకు పీరియడ్స్ టైంలో కడుపునొప్పి రావడం సహజమని అంటున్నారు నిపుణులు. పిల్లలు పుట్టడానికి పీరియడ్స్ సమయంలో కడుపునొప్పి రావడానికి సంబంధం లేదని చెబుతున్నారు. ఇవన్నీ అపోహలేనని అంటున్నారు. 'పీరియడ్స్ సమయంలో చాలా మంది మహిళలకు కడుపు నొప్పి వస్తుంది. దీనిని డిస్మోనేరియా అంటారు. కొందరికి పీరియడ్స్ సమయంలో గర్భాశయం ముడుచుకోవడం వల్ల కడుపు నొప్పి రావచ్చు. అలాగే మరికొందని పీరియడ్స్ సమయంలో యోని భాగంలో రక్తం పెరగడం వల్ల కడుపునొప్పి రావచ్చు. అంతేగానీ కడుపునొప్పి రావడం వల్ల పిల్లలు పుట్టరు అనేది నిజం కాదు. పిల్లలు పుట్టడడానికి అండం విడుదలవ్వాలి అంతే' అని నిపుణులు తెలిపారు.