హోమియో గోళీలతో కరోనాను తరిమేద్దాం!

ప్రత్యామ్నాయ వైద్య విధానాలైన హోమియోపతి, ఆయుర్వేద, ప్రకృతి వైద్యం మొదలైనవి శతాబ్దాలుగా ఆదరణలో ఉన్నాయి. అప్పుడు, ఇప్పుడు ఆ ఔషధాలు ప్రభావశీలంగానే ఉన్నాయి. కరోనా సోకి లక్షణాలు కలిగిన వారు, లేనివారు అల్లోపతి వైద్యంతో పాటు ఈ సాంప్రదాయక ఔషధాలపై ఆధారపడి మంచి ఫలితాలు సాధించారు. కొవిడ్ లక్షణాలను అంతమొందించటానికి హోమియో మాత్రలు ఎలా ఉపయోగపడతాయో చూద్దాం.

2020లో కోవిడ్ ప్రారంభమైన తరువాత వైద్యులు, నిపుణులు ఈ అంటువ్యాధిని చికిత్సించడానికి కృషి చేస్తూనే ఉన్నారు. వ్యాధి లక్షణాలను తగ్గించే ఔషధాలనయితే వాడుకలోకి తెచ్చారు కానీ దీనిని పూర్తిగా నయం చేయటం అసాధ్యంగానే ఉంది. అల్లోపతి వైద్యంలోనే కాక హోమియో, ఆయుర్వేదాల్లోనూ పరిశోధనలు జరుగుతున్నాయి. హోమియోపతిలో జరుగుతున్న పరిశోధన గురించి తెలుసుకోటానికి డా.రాజన్ శంకరన్ తో ఈటీవీ భారత్​ సుఖీభవ మాట్లాడింది.

డా. రాజన్ ప్రపంచ వ్యాప్తంగా వందలాది కొవిడ్ రోగుల లక్షణాలను పరిశీలించి వాటిని 4 తరగతులుగా వర్గీకరించారు. వాటికి ఔషధాలు, మోతాదు సూచించారు. ఈ కింద సూచించిన ఔషధాలు వైద్యుని పర్యవేక్షణలోనే వేసుకోవాలి. ఒక ఔషధాన్ని మాత్రమే లక్షణాలను బట్టి 7 రోజుల పాటు వాడాలి. అవాంఛిత లక్షణాలు కలిగితే హోమియో వైద్యున్ని సంప్రదించాలి.

కొవిడ్ రోగులు వాడాల్సిన ఔషధాలు:

• ఆర్సనిక్ ఆల్బమ్ 1ఎమ్. : 4 మాత్రలు 6 గంటలకొకసారి.

ఆందోళన, దప్పిక, విరేచనాలు. దగ్గు, జ్వరం, చలి లక్షణాలున్నప్పుడు తీసుకోవాలి.

• బ్రయోనియా ఆల్బా 1ఎమ్.: 4 మాత్రలు 6 గంటలకొకసారి.

నాలుక పిడచకట్టినపుడు, దప్పిక, పడుకోవటానికి, కదలటానికి ఆశక్తి లేకపోవటం, మాట్లాడే టప్పుడు వచ్చే పొడిదగ్గు, శబ్దాలను సహించలేకపోవటం లాంటి లక్షణాలున్నపుడు వాడాలి.

• క్యాంఫొరా 1ఎమ్.: 4 మాత్రలు 6 గంటలకొకసారి

కోవిడ్ లక్షణాలు తక్కువగా ఉన్నపుడు అనగా కొంత శారీరక బలహీనత, కొంత ఆందోళన, వికారం లాంటి లక్షణాలున్నపుడు వాడాలి.

• పల్సటిల్లా 1ఎమ్.: 4 మాత్రలు 6 గంటలకొకసారి

ఇతరులతో సామాజిక సాన్నిహిత్యం కలిగి ఉండటం, అప్రయత్నంగా ఏడవగలగటం, దప్పిక లేకపోవటం, పొడి నోరు, పెదవులు, పసుపు రంగులో శ్లేష్మం, బహిరంగ ప్రదేశాల్లో ఉండాలనుకునే మనస్తత్వం లాంటి లక్షణాలున్నవారు వాడాలి.

కోవిడ్ సంక్రమించని వారికి:

కుటుంబ సభ్యులు కానీ, ఆప్తమిత్రులు కానీ కొవిడ్ లక్షణాలతో ఉన్నపుడు వ్యాధి సోకకుండా ఇక్కడ సూచించిన ఔషధాన్ని వాడవచ్చు. ఇది రోగనిరోధక శక్తిని పెంచుతుంది. టీకా తీసుకున్న వారు కూడా ఈ ఔషధాన్ని తీసుకోవచ్చు.

• క్యాంఫొరా 1ఎమ్.: 4 మాత్రలు రోజుకు రెండు సార్లు రెండు రోజులు వేసుకోవాలి. రెండు వారాలకొకసారి ఇవి తీసుకోవాలి.

కరోనా వైరస్ ను నివారించటంలో ప్రత్యామ్నాయ ఔషధాల ప్రభావం చాలా ఉంది. ఈ ఔషధాలు తీసుకుంటున్నపుడు లక్షణాలు కొనసాగినా, తీవ్రమైనా వైద్యన్ని సంప్రదించాలి. ఇదివరకే ఇతర ఆరోగ్య సమస్యలుంటే ఆ ఔషధాలు తీసుకునే ముందు వైద్యున్ని సంప్రదించాలి. కరోనా వైరస్ స్వరూపం మార్చుకుంటున్న కారణంగా రోగ లక్షణాలు కూడా మారవచ్చు. అందువల్ల వైద్యుని పర్యవేక్షణ కీలకం.