కరోనా వైరస్‌ చాప కింద నీరులా విస్తరిస్తోన్న ఈ సమయంలో ఆరోగ్యంతో పాటు ఎలాంటి భయం లేకుండా పాజిటివ్ మైండ్‌సెట్‌తో ఉండడం ఎంతో అవసరమంటున్నారు రుజుత. ముంబయికి చెందిన ఈ ప్రముఖ సెలబ్రిటీ న్యూట్రిషనిస్ట్‌ సోషల్‌ మీడియాలో యాక్టివ్‌గా ఉంటూ డైట్, ఫిట్‌నెస్‌ టిప్స్‌ అందిస్తుంటారు. అంతేనా.. కాలానికి తగినట్లుగా పాటించాల్సిన ఆహార నియమాలు, సౌందర్య చిట్కాలు.. ఇలా ప్రతిదీ సోషల్‌ మీడియాలో షేర్‌ చేసుకుంటూ ఎందరికో వెల్‌నెస్‌ ఎక్స్‌పర్ట్‌గా మారిపోయారామె. ఇక కరోనా విలయతాండవం చేస్తున్న ప్రస్తుత పరిస్థితుల్లో చక్కటి పోషకాహారం తీసుకోవడంతో పాటు, క్రమం తప్పకుండా వ్యాయామం చేయడం ఎంతో అవసరమంటున్నారు. ఈ క్రమంలోనే వీక్లీ డైట్, ఫిట్‌నెస్‌ ప్లాన్‌ని ఛార్ట్‌ రూపంలో పొందుపరిచి ఇన్‌స్టాలో పోస్ట్ చేశారు రుజుత.
ఈ డైట్ ప్లాన్‌లో ఏముందంటే..?
ఉదయం నిద్ర లేచిన తర్వాత తీసుకునే ఫస్ట్‌ మీల్‌ దగ్గర్నుంచి రాత్రి పడుకునే ముందు తీసుకునే డిన్నర్ వరకు ఏయే సమయాల్లో ఏయే ఆహారం తీసుకోవాలో, రోజూ ఎలాంటి వ్యాయామాలు చేయాలో తన ప్లాన్‌లో భాగంగా వివరించారు రుజుత. ఈ నేపథ్యంలో ఒక్కో రోజుకు సంబంధించిన డైట్ ఛార్ట్‌ని విడివిడిగా పరిశీలిస్తే..
మొదటి రోజు:
- వ్యాయామం - 5 రౌండ్ల సూర్య నమస్కారాలు
- నిద్ర లేవగానే - నానబెట్టిన బాదం పప్పులు, ఎండుద్రాక్ష
- బ్రేక్‌ఫాస్ట్‌ - పోహా, పల్లీలు
- మిడ్మీల్ - నిమ్మకాయ షర్బత్
- లంచ్‌ - పప్పన్నం, ఏదైనా పచ్చడి
- మిడ్మీల్ (స్నాక్స్‌) - గుప్పెడు పల్లీలు
- ఎర్లీ డిన్నర్ - శెనగపిండి దోసె
- పడుకునే ముందు - బెల్లం, పసుపు కలిపి తయారుచేసిన ఉండలు
రెండో రోజు:
- వ్యాయామం - సుప్తపదంఘుష్టాసనాలు (3 రౌండ్లు)
- నిద్ర లేవగానే - ఖర్జూరం, వాల్‌నట్
- బ్రేక్‌ఫాస్ట్‌ - సాంబార్‌ ఇడ్లీ
- మిడ్మీల్ - మిరియాల రసం
- లంచ్‌ - వాముతో తయారుచేసిన పరాఠాను పెరుగు లేదా ఏదైనా పచ్చడితో కలిపి తీసుకోవాలి.
- మిడ్మీల్ (స్నాక్స్‌) - జీడిపప్పు బెల్లంతో కలిపి తీసుకోవాలి.
- ఎర్లీ డిన్నర్ - కిచిడీ, ఇంట్లో తయారుచేసిన అప్పడాలు
- పడుకునే ముందు - పసుపు, అల్లం పొడి వేసి కాచిన పాలు
మూడో రోజు:
- వ్యాయామం - స్క్వాట్స్‌, లాంజెస్‌ ఇంట్లోనే చేయాలి.
- నిద్ర లేవగానే - పిస్తాపప్పు (ఉప్పు లేకుండా), ఎండు ఖర్జూరం, నెయ్యి
- బ్రేక్‌ఫాస్ట్‌ - రాగి దోసె లేదా ప్లెయిన్‌ దోసె
- మిడ్మీల్ - ఎండు కొబ్బరి, బెల్లం, ధనియాలు కలిపి తయారుచేసిన మిశ్రమం
- లంచ్‌ - అన్నం, రాజ్మా
- మిడ్మీల్ (స్నాక్స్‌) - చిరుధాన్యాలతో తయారుచేసిన బిస్కట్లు (వీటి తయారీలో పిల్లల్ని కూడా భాగం చేయండి..)
- ఎర్లీ డిన్నర్ - మసాలా పూరీ ఏదైనా చట్నీతో కలిపి తీసుకోవాలి.
- పడుకునే ముందు - సబ్జా గింజలు, గుల్‌కంద్, పాలు
నాలుగో రోజు:
- వ్యాయామం - 7 రౌండ్ల సూర్య నమస్కారాలు
- నిద్ర లేవగానే - జీడిపప్పులు, నానబెట్టిన కిస్‌మిస్‌లు
- బ్రేక్‌ఫాస్ట్‌ - ఉప్మా
- మిడ్మీల్ - నిమ్మ లేదా ఉసిరి రసం
- లంచ్‌ - సాబుదానా వడ, చట్నీ లేదా సాబుదానా కిచిడీ, పెరుగు
- మిడ్మీల్ (స్నాక్స్‌) - కొద్దిగా నెయ్యి, కాస్త ఉప్పు వేసి తయారుచేసిన మరమరాలు
- ఎర్లీ డిన్నర్ - జీరా రైస్‌, స్ప్రౌట్స్
- పడుకునే ముందు - రాగి మాల్ట్‌ లేదా తులసి టీ
ఐదో రోజు:
- వ్యాయామం - రోగనిరోధక శక్తిని పెంచే అయ్యంగార్‌ యోగా
- నిద్ర లేవగానే - నానబెట్టిన బాదం పప్పులు
- బ్రేక్‌ఫాస్ట్‌ - మల్టీ గ్రెయిన్‌ ప్యాన్‌కేక్స్
- మిడ్మీల్ - కోకం షర్బత్ లేదా కప్పు వేడి వేడి టీ
- లంచ్‌ - పప్పన్నం
- మిడ్మీల్ (స్నాక్స్‌) - రవ్వ లడ్డూ, బేసన్‌ లడ్డూ, డ్రైఫ్రూట్ లడ్డూ
- ఎర్లీ డిన్నర్ - జొన్న రొట్టెను ఉలవల కర్రీ లేదా బేసిన్‌ కర్రీతో కలిపి తీసుకోవాలి.
- పడుకునే ముందు - పసుపు, శొంఠి పొడి వేసి కాచిన పాలు
ఆరో రోజు:
- వ్యాయామం - స్క్వాట్స్‌, లాంజెస్‌ లేదా స్కిప్పింగ్
- నిద్ర లేవగానే – ఖర్జూరం, వాల్‌నట్స్
- బ్రేక్‌ఫాస్ట్‌ - ఆనియన్‌ పరాఠా
- మిడ్మీల్ - పల్లి లడ్డూ
- లంచ్‌ - అన్నం, శెనగల కర్రీ
- మిడ్మీల్ (స్నాక్స్‌) - ఠండాయి
- ఎర్లీ డిన్నర్ - అప్పడాలు
- పడుకునే ముందు - పాలు (గుల్‌కంద్ లేదా జీడిపప్పుతో)
ఏడో రోజు:
- వ్యాయామం - సుప్తపదంఘుష్టాసనాలు (3 రౌండ్లు)
- నిద్ర లేవగానే – కిస్‌మిస్‌, జీడిపప్పులు
- బ్రేక్‌ఫాస్ట్‌ - చపాతీ, టీ
- మిడ్మీల్ - ఆప్రికాట్స్‌, ఎండుద్రాక్ష, ఏదైనా లడ్డూ
- లంచ్‌ - దోసె ఏదైనా చట్నీతో కలిపి తీసుకోవాలి.
- మిడ్మీల్ (స్నాక్స్‌) - ఇంట్లో తయారుచేసిన స్వీట్‌ బిస్కట్లు
- ఎర్లీ డిన్నర్ - బియ్యపు రొట్టె
- పడుకునే ముందు - పాలు లేదా కషాయం
