గ్రామ రెవెన్యూ సహాయకులను పంచాయతీరాజ్ శాఖలో విలీనం చేయాలనే నిర్ణయం సరైంది కాదని యాదాద్రి భువనగిరి మోత్కూర్ మండల కేంద్రంలో వీఆర్ఏ సంఘం నేతలు అన్నారు. తమను రెవెన్యూ శాఖలోనే కొనసాగించాలని పంచాయతీరాజ్ లేదా ఇతర శాఖలో విలీనం చేస్తే ఊరుకోమని ప్రభుత్వాన్ని హెచ్చరించారు. తమకు వ్యతిరేకంగా నిర్ణయాలు తీసుకుంటే రాష్ట్ర వ్యాప్తంగా ఆందోళన కార్యక్రమాలు చేపడతామని వీఆర్ఏ సంఘాల రాష్ట్ర కార్యదర్శి దాసరి వీరన్న పేర్కొన్నారు.
వేలాది మంది వీఆర్ఏలను ఇతర శాఖల్లోకి మారిస్తే పరిస్థితి మరింత దిగజారుతుందని ఆందోళన వ్యక్తం చేశారు. భూప్రక్షాళన కార్యక్రమంలో రేయింబవళ్లు కష్టపడి విధులు నిర్వహిస్తూ రెవెన్యూ అధికారులకు తమ వంతు సహాయాన్ని అందిస్తామని తెలిపారు. ప్రభుత్వం ఇలాంటి నిర్ణయం తీసుకోవడం సబబు కాదని ఆవేదన వ్యక్తం చేశారు.
ఇవీ చూడండి : 'విద్యార్థుల హాజరుశాతం పెంచేందుకు కృషిచేస్తాం'
