Bus Accident: అదుపుతప్పి రోడ్డు పక్కన గుంతలోకి దూసుకెళ్లిన బస్సు

Bus Accident: యాదాద్రి భువనగిరి జిల్లాలో టీఎస్ఆర్టీసీకి చెందిన సూపర్ లగ్జరీ బస్సు అదుపుతప్పి రోడ్డు పక్కన గుంతలోకి దూసుకెళ్లింది. ఈ ఘటనలో ఎవరికి ఏమీ కాకపోవడంతో ప్రయాణికులు ఊపిరి పీల్చుకున్నారు. ప్రమాద సమయంలో బస్సులో 36మంది ప్రయాణిస్తున్నట్లు పోలీసులు తెలిపారు.

Bus Accident: యాదాద్రి భువనగిరి జిల్లా బీబీనగర్ మండలంలో టీఎస్ఆర్టీసీకి చెందిన సూపర్‌ లగ్జరీ బస్సు ప్రమాదానికి గురైంది. రంగాపురం సమీపంలోని ఎయిమ్స్ ఎదురుగా ఉన్న జాతీయ రహదారిపై అదుపుతప్పి రోడ్డు పక్కన ఉన్న గుంతలోకి దూసుకెళ్లింది. ఈ ప్రమాదంలో ప్రయాణికులు ఎవరు గాయపడలేదని పోలీసులు పేర్కొన్నారు . అయితే ప్రమాదానికి గురైన బస్సు హైదరాబాద్‌ నుంచి వరంగల్‌ వెళ్తుందని చెప్పారు. ఆసమయంలో బస్సులో 36మంది ప్రయాణిస్తున్నట్లు పోలీసులు తెలియజేశారు. త్రుటిలో పెను ప్రమాదం తప్పడంతో ప్రయాణికులు ఊపిరి పీల్చుకున్నారు.

ఇవీ చదవండి: Rajagopal reddy on Revanth : 'కార్యకర్తలు కష్టపడి.. రేవంత్‌ను సీఎం చేయాలా..?'