యాదాద్రి భువనగిరి జిల్లా హాజీపూర్లో తీవ్ర ఉద్రిక్తత నెలకొంది. శ్రావణి, మనీషాల హత్య కేసులో నిందితుడు శ్రీనివాస్రెడ్డి ఇళ్లపై గ్రామస్థులు దాడికి దిగారు. నిన్ననే ఇంటికి తాళం వేసి నిందితుడి తల్లిదండ్రులు వెళ్లిపోయారు.
తొమ్మిదో తరగతి అమ్మాయి... చదువే లోకంగా బతుకుతోంది. అలాంటి అమ్మాయిని అతి కిరాతకంగా ఆత్యాచారం చేసి.. చంపేసి బావిలో పూడ్చిపెట్టారు. నెల క్రితం డిగ్రీ విద్యార్థిని మనీషాని కూడా హతమార్చాడు. అదే బావిలో పూడ్చిపెట్టాడు. ఈ రెండు హత్యలతో గ్రామస్థులు అతనిపై ఆగ్రహంతో ఉన్నారు.
మరోవైపు కల్పన అనే 11 ఏళ్ల అమ్మాయిని కూడా అతనే చంపేసినట్లు పోలీసులు, గ్రామస్థులు అనుమానిస్తున్నారు. వరుస హత్యలకు కారణమైన శ్రీనివాస్రెడ్డిపై తీవ్ర ఆగ్రహంతో గ్రామస్థులు ఉన్నారు.
ఇవాళ ఉదయం శ్రీనివాస్రెడ్డికి చెందిన రెండు ఇళ్లను ధ్వంసం చేశారు. ఇంటికి నిప్పంటించారు. వస్తువులన్నీ కాలి బూడిదయ్యాయి. అయినా ఆగ్రహ జ్వాలాలు చల్లారలేదు. అలాంటి మానవ మృగాలు బయట తిరగకూడదని... బహిరంగంగా ఉరి తీయాలని గ్రామస్థులు డిమాండ్ చేస్తున్నారు.
ఇదీ చూడండి: హాజీపూర్ బావిలో మరికొన్ని అస్థికలు లభ్యం
