హాజీపూర్​ హత్యల కేసులో మరోసారి డిఫెన్స్​ వాదనలు

హాజీపూర్ హత్యల కేసులో న్యాయస్థానం.. నేడు మరోసారి విచారణ కొనసాగించనుంది. తొలి కేసులో ఈ నెల 8 నాడు డిఫెన్స్ తరఫు వాదనలు పూర్తి కాగా.. ఇవాళ మిగతా రెండు కేసుల్లోనూ ప్రాసిక్యూషన్ తీరుపై అభ్యంతరాలు లేవనెత్తనున్నారు.

గతేడాది సంచలనం రేపిన ముగ్గురు బాలికల హత్యల కేసుల్లో... నేడు మరోసారి విచారణ కొనసాగనుంది. ఇప్పటికే ప్రాసిక్యూషన్ తరఫు వాదనలు పూర్తి కాగా.. ఈ నెల 8 నుంచి డిఫెన్స్ వాదనలు కొనసాగుతున్నాయి. మొత్తం మూడు కేసులకు గాను తొలి కేసులో జనవరి 8 నాడు వాదనలు వినిపించిన డిఫెన్స్... మిగతా రెండు కేసుల్లోని ప్రాసిక్యూషన్ లోపాలను కోర్టుకు వినిపించనున్నారు.

డిఫెన్స్ వాదనలు పూర్తయితే... ప్రాసిక్యూషన్ మళ్లీ అభ్యంతరాల్ని లేవనెత్తే అవకాశముంది. ఇరువర్గాల వాదనలు పూర్తయిన తర్వాతే... కేసుపై తీర్పు వెలువడనుంది. యాదాద్రి భువనగిరి జిల్లా బొమ్మలరామారం మండలం హాజీపూర్లో చోటుచేసుకున్న ముగ్గురు బాలికల హత్య కేసు విచారణ.. నల్గొండ మొదటి అదనపు సెషన్స్ న్యాయస్థానంలోని పోక్సో చట్టం కోర్టులో జరుగుతోంది.

ఇవీ చూడండి: రాష్ట్రపతి నిలయం సందర్శనకు నేడు చివరి రోజు