యాదాద్రి భువనగిరి జిల్లా ఆలేరు మండలం కందిగడ్డ తండా శివారులో హైదరాబాద్- వరంగల్ జాతీయ రహదారిపై శుక్రవారం మధ్యాహ్నం జరిగిన రోడ్డు ప్రమాదంలో నిషేధిత అoబర్ ప్యాకెట్లు పట్టుబడ్డాయి. ఆలేరు ఎస్సై రమేష్ తెలిపిన వివరాల ప్రకారం.. కర్ణాటకలోని బీదర్ నుంచి జనగామ జిల్లా స్టేషన్ ఘన్పూర్ వస్తున్న స్విఫ్ట్ డిజైర్ కారు ముందు టైరు పేలిపోయింది. టైరు పేలడం వల్ల కారు అదుపుతప్పి జనగామ నుంచి హైదరాబాద్ వైపు వెళ్లే క్విడ్ కారు వెనుక భాగాన్ని ఢీకొట్టింది.
ఈ ఘటనలో క్విడ్ కారు నడుపుతున్న సాగర్కు స్వల్ప గాయాలయ్యాయి. బీదర్ నుంచి వస్తున్న కారులో నిషేధిత పొగాకు ఉత్పత్తులైన అంబర్ ప్యాకెట్లు ఉన్నట్లుగా పోలీసులు గుర్తించి, వాటిని స్వాధీనపర్చుకున్నారు. కారు డ్రైవర్ పరారీలో ఉన్నాడు. పోలీసులు కేసు నమోదు చేసి దర్యాప్తు చేపట్టారు.
ఇవీ చూడండి: ఓ వ్యక్తి నుంచి రూ.50 వేలు దోచిన సైబర్ నేరగాళ్లు
