Corona effect: ఆ గ్రామంలో 14 రోజులు స్వచ్ఛంద లాక్​డౌన్

యాదాద్రి భువనగిరి జిల్లా పొడిచేడు గ్రామ సర్పంచ్ పేలపూడి మధు కరోనా బాధితులకు నిత్యావసర సరుకులు అందజేశారు. కరోనా పాజిటివ్ కేసులు అధికమవ్వడం వల్ల గ్రామంలో స్వచ్ఛంద లాక్​డౌన్ విధించుకున్నట్లు వివరించారు.

యాదాద్రి భువనగిరి జిల్లా మోత్కూరు మండల పరిధిలోని పొడిచేడులో అధిక సంఖ్యలో కరోనా పాజిటివ్ కేసులు నమోదవ్వడం వల్ల గ్రామంలో 14 రోజుల పాటు స్వచ్ఛంద లాక్​డౌన్ విధించుకున్నారు. కరోనా బాధితులు నిత్యావసర సరుకుల కోసం ఇబ్బంది పడొద్దననే ఉద్దేశంతో గ్రామ సర్పంచ్ పేలపూడి మధు సొంత డబ్బుతో పాలు, పండ్లు, కూరగాయలు, పప్పు, బియ్యం, శానిటైజర్​ వంటివి పంపీణీ చేశారు.

గ్రామంలో కరోనా కేసులు ఎక్కువగా ఉన్న కారణంగా లాక్​డౌన్ విధించామని ప్రతి ఒక్కరు మాస్కులు ధరిస్తూ, భౌతిక దూరం పాటించాలని సర్పంచ్ సూచించారు. కొవిడ్ బాధితులు ఆత్మస్తైర్యం కోల్పోవద్దని... మనోధైర్యంతో కరోనాను జయించాలని అన్నారు. గ్రామ ప్రజలందరూ లాక్​డౌన్​కు సహకరించాలని సర్పంచ్ మధు కోరారు. ఈ కార్యక్రమంలో వార్డు మెంబర్లు సుగుణమ్మ, జిట్ట వీరమ్మ, కానిస్టేబుల్ శంకర్, ఆశా వర్కర్లు జిట్ట వాణి, రజిత, విఆర్ఏలు అంబటి బలరాములు, ఎల్లేష్, గ్రామ పంచాయతీ సిబ్బంది తదితరులు పాల్గొన్నారు.

ఇదీ చదవండి: PRC: ఉద్యోగులకు గుడ్​న్యూస్​... అమల్లోకి రానున్న పీఆర్‌సీ!!