'సహకార సంఘాల అభివృద్ధికి కృషి చేస్తాం'

మోత్కూర్​ సహకార సంఘం కార్యకలాపాల పట్ల ఎన్​సీడీసీ జనరల్​ మేనేజర్​ శ్రీనివాస్​ బృందం సంతృప్తి వ్యక్తం చేసింది. సొసైటీ ఆధ్వర్యంలో నిర్మించనున్న గోదాం, పప్పు మిల్లులకు కావాల్సిన నిధులు ఇస్తామని హామీ ఇచ్చారు.

యాదాద్రి భువనగిరి జిల్లా మోత్కూర్​లోని ప్రాథమిక వ్యవసాయ సహకార సంఘాన్ని ఎన్​సీడీసీ జనరల్​ మేనేజర్​ శ్రీనివాస్​ బృందం సందర్శించింది. సహకార సంఘం కార్యకలాపాల పట్ల సంతృప్తి వ్యక్తం చేశారు. అనంతరం సొసైటీ ఆధ్వర్యంలో నిర్మించనున్న వినియోగదారుల స్టోర్​, 500 మెట్రిక్​ టన్నుల గోదాం, పప్పు మిల్లు ప్రతిపాదనను పరిశీలించారు.

నేషనల్ కో ఆపరేటివ్ డెవలప్​మెంట్ కార్పొరేషన్​ నుంచి వీటి నిర్మాణానికి కావలసిన నిధులు ఇస్తామని హామీ ఇచ్చారు. సహకార సంఘాల అభివృద్ధికి కృషి చేస్తామని వెల్లడించారు. కార్యక్రమంలో రాష్ట్ర ఆయిల్ ఫెడ్ ఛైర్మన్ కంచర్ల రామకృష్ణారెడ్డి పాల్గొన్నారు.