Posters against Rajagopal Reddy: మునుగోడు ప్రాంతం రాజ్‌గోపాల్‌ను క్షమించదంటూ చౌటుప్పల్లో వెలసిన పోస్టర్లు ఇప్పుడు నియోజకవర్గంలో హాట్టాపిక్గా మారాయి. కాంట్రాక్టుల కోసం అమ్ముడుపోయాడంని.. పార్టీ అధినేత్రిని వేధిస్తుంటే ప్రత్యర్థితో బేరసారాలు ఆడాడంటూ.. గుర్తు తెలియని వ్యక్తులు గోడపత్రికలు ముద్రించి పట్టణంలో అతికించారు. రాత్రికి రాత్రే వెలిసిన ఈ పోస్టర్ల గురించి ఇప్పుడు అంతా మాట్లాడుకుంటున్నారు. ఇతర పార్టీల నేతలే ఇలా పోస్టర్లు వేసి ఉంటారని భాజపా నేతలు ఆరోపిస్తున్నారు.
మరోవైపు ఈనెల 21న అమిత్ షా సమక్షంలో భారీ సభ ఏర్పాటు చేసి భాజపా తీర్థం పుచ్చుకునేందుకు కోమటిరెడ్డి రాజగోపాల్ రెడ్డి ప్రణాళిక సిద్ధం చేశారు. ఈ మేరకు భాజపా నేతలు ఏర్పాట్లలో నిమగ్నమయ్యారు. ప్రతి 3 గ్రామాలకు ఓ సీనియర్ నేతను ఇంఛార్జ్గా నియమించి ఉప ఎన్నిక సన్నాహాలు ప్రారంభించారు.
