కళ్లు చెదిరే లుక్​లో లగ్జరీ రేంజ్​ రోవర్ స్పోర్ట్​- రూ.5లక్షలు పెరిగిన ధర- ఇప్పుడు ఈ కారు రేటెంతంటే?

భారత్​లో తొలి మేడ్​ ఇన్​ ఇండియా రేంజ్​ రోవర్ స్పోర్ట్​- ధర, ఫీచర్లు ఇవే..!

Range Rover Sport Price Revealed: ఇండియన్ మార్కెట్లోకి సరికొత్త లగ్జరీ రేంజ్​ రోవర్ స్పోర్ట్​ కారు ఎంట్రీ ఇచ్చింది. కళ్లు చెదిరే లుక్​లో మతిచెదిరే ఫీచర్లతో జాగ్వార్ ల్యాండ్ రోవర్ ఇండియా దీన్ని తీసుకొచ్చింది. కంపెనీ దీన్ని రూ. 1.45 కోట్ల (ఎక్స్-షోరూమ్) ధరతో పరిచయం చేసింది. జాగ్వార్ ల్యాండ్ రోవర్ ఈ SUVని స్థానికంగా అసెంబుల్ చేస్తుంది.

ఇందులో గమనించదగ్గ విషయం ఏంటంటే.. ఈ తొలి మేడ్​ ఇన్​ ఇండియా రేంజ్​ రోవర్ స్పోర్ట్ ధర గతంలో కంటే ఇప్పుడు రూ.5 లక్షలు పెరిగింది. ఎందుకంటే కంపెనీ ఈ కారు డైనమిక్ SE వేరియంట్ సేల్స్​ను నిలిపివేసింది. దీంతో ఇప్పుడు ఈ 2025 రేంజ్ రోవర్ స్పోర్ట్ డైనమిక్ HSE కారే ఈ లైనప్​లో ఎంట్రీ లెవల్ వేరియంట్.

ఫీచర్లు: ఇందులో సెమీ-అనిలిన్ లెదర్ సీట్లు, పవర్డ్, హీటెడ్ అండ్ వెంటిలేటెడ్ సీట్లు, హెడ్-అప్ డిస్‌ప్లే, ఆటో-పార్కింగ్ అసిస్ట్‌తో పాటు డైనమిక్ SE డిజిటల్ LED హెడ్‌లైట్లు, సిగ్నేచర్ డేటైమ్ రన్నింగ్ ల్యాంప్స్, ఎయిర్ సస్పెన్షన్, పవర్డ్ అండ్ హీటెడ్ వెనక సీట్లతో పాటు మెరిడియన్ సౌండ్ సిస్టమ్ వంటి ఫీచర్లు ఉన్నాయి.

వీటితో పాటు ఆటోబయోగ్రఫీ వేరియంట్​లో కంపెనీ మరిన్ని ఫీచర్లను అందిస్తోంది. ఈ ఫీచర్లలో ఫ్రంట్ మసాజ్ సీట్లు, ఫ్రంట్ అండ్, రియర్ వింగ్డ్ హెడ్‌రెస్ట్‌లు, ఇల్యూమినేటెడ్ సీట్ బెల్ట్ బకిల్స్ రేంజ్ రోవర్ లెటరింగ్‌తో ఇల్యూమినేటెడ్ అల్యూమినియం ట్రెడ్ ప్లేట్లు ఉన్నాయి.

Range Rover Sport (Photo Credit- Jaguar Land Rover)

పవర్​ట్రెయిన్: ఈ '2025 రేంజ్ రోవర్ స్పోర్ట్‌' కారు ఇంజిన్ ఆప్షన్​లలో ఎలాంటి మార్పూ లేదు. ఇది అదే పాత రెండు ఇంజిన్ ఆప్షన్లలో వస్తుంది. ఇందులో మొదటిది 3.0-లీటర్, 6-సిలిండర్, P400 టర్బో-పెట్రోల్ ఇంజిన్‌ ఆప్షన్. ఇది 400hp పవర్​ను ఉత్పత్తి చేస్తుంది. ఇది కాకుండా వినియోగదారులు 3.0-లీటర్, 6-సిలిండర్ D350 డీజిల్ ఇంజిన్‌ను కూడా సెలెక్ట్ చేసుకోవచ్చు. ఇది 351hp శక్తిని అందిస్తుంది. ఈ రెండు ఇంజిన్లు 8-స్పీడ్ ఆటోమేటిక్ గేర్‌బాక్స్, 4x4 టెక్నాలజీతో వస్తాయి.

వేరియంట్స్: కంపెనీ మరికొద్ది నెలల్లో ఈ లేటెస్ట్ '2025 రేంజ్ రోవర్ స్పోర్ట్‌'ను ఐదు వేరియంట్లలో తీసుకురానున్నట్లు తెలుస్తోంది.

• P400 డైనమిక్ HSE
• D350 డైనమిక్ HSE
• P460e PHEV ఆటోబయోగ్రఫీ
• P530 ఆటోబయోగ్రఫీ
• P530 SV ఎడిషన్

ధరలు:

సమాచారం ప్రకారం.. P400 డైనమిక్ HSE, D350 డైనమిక్ HSE రెండూ రూ. 1.45 కోట్ల ధరతో రానున్నాయి. P460e PHEV ఆటోబయోగ్రఫీ వేరియంట్​ను రూ. 2.11 కోట్ల ధరతో తీసుకొస్తున్నట్లు సమాచారం. ఇక P530 ఆటోబయోగ్రఫీ (4.4-లీటర్ V8తో), P530 SV ఎడిషన్ రెండూ CBU ఇంపోర్ట్స్. ఇవి వరుసగా రూ. 2.12 కోట్లు, రూ. 2.95 కోట్ల ధరలతో రాబోతున్నాయి.