రేషన్​ బియ్యం కోసం ప్రజల పడిగాపులు.. డీలర్ల అలక్ష్యం

లాక్​డౌన్​ నేపథ్యంలో రాష్ట్రంలోని ప్రజలకు ఒక్కొక్క రేషన్​కార్డుపై 12కిలోల బియ్యం పంపిణీ పలు ప్రాంతాల్లో ఆలస్యంగా మొదలైంది.​ యాదాద్రి భువనగిరి జిల్లాలోని ప్రజలు రేషన్​బియ్యం కోసం దుకాణాల ముందు పడిగాపులు పడినా.. డీలర్లు షాపులను తెరవక పోవడంపై ప్రజలు ఆగ్రహం వ్యక్తం చేశారు.

లాక్​డౌన్ నేపథ్యంలో రాష్ట్రంలోని రేషన్ షాపుల ద్వారా ప్రజలకు ఒక్కొక్క కుటుంబానికి 12 కిలోల రేషన్ బియ్యం అందించే కార్యక్రమం కొన్ని చోట్ల ఆలస్యంగా మొదలైంది. యాదాద్రి భువనగిరి జిల్లా భువనగిరి పట్టణంలోని కిసాన్ నగర్​లోని రేషన్ దుకాణం ముందు మధ్యాహ్నం నుంచి ప్రజలు పడిగాపులు పడినా.. రాత్రి 7 తరువాత బియ్యం పంపిణీ మొదలైంది. సమయపాలన లేకుండా రేషన్ డీలర్లు ఇష్టారాజ్యంగా వ్యవహరిస్తుండటంపై ప్రజలు ఆగ్రహం వ్యక్తం చేశారు. అధికారులు పట్టించుకుని సమయపాలన పాటించని డీలర్లపై చర్యలు తీసుకోవాలని కోరారు.

ఇవీ చూడండి: షార్ట్‌సర్క్యూట్‌తో ఇల్లు దగ్ధం, తల్లీకుమార్తె సజీవదహనం