నేడు భువనగిరి సభకు హాజరుకానున్న కేసీఆర్

ఉమ్మడి నల్గొండ జిల్లాలో రెండు పార్లమెంట్ నియోజకవర్గాల గెలుపే లక్ష్యంగా తెరాస పావులు కదుపుతోంది. దీనిలో భాగంగా సీఎం కేసీఆర్ ఇవాళ భువనగిరి సభకు హాజరు కానున్నారు.  సాయంత్రం 5గంటలకు జరిగే సభకు తుక్కాపురం వద్ద భారీ ఏర్పాట్లు చేశారు.

ఎన్నికల ప్రచారంలో భాగంగా సీఎం కేసీఆర్ సాయంత్రం 5 గంటలకు భువనగిరి సభకు హాజరుకానున్నారు. భువనగిరి- నల్గొండ మార్గంలో రోడ్డు పక్కనే ఈ సభా ప్రాంగణాన్ని ఏర్పాటు చేశారు. ట్రాఫిక్​కు ఇబ్బంది కలగకుండా ప్రత్యేక చర్యలు తీసుకున్నారు. సమావేశంకు వచ్చే పార్టీ కార్యకర్తలు, నాయకుల వాహనాల పార్కింగ్​కు ప్రత్యేక స్థలాన్ని కేటాయించారు. కేసీఆర్​కు స్వాగతం పలుకుతూ కార్యకర్తలు భారీ ఫ్లెక్సీలను ఏర్పాటు చేశారు. సభా ప్రాంగణంలో అందరికీ కనిపించేలా భారీ ఎల్​ఈడీ తెరలను ఏర్పాటు చేశారు.

ఇవీ చూడండి:నేడు ఓరుగల్లు​లో కేసీఆర్​ బహిరంగ సభ