పది దాటినా కనిపించని ఆసుపత్రి సిబ్బంది

వలిగొండ వర్కట్​పల్లి ప్రాథమిక ఆరోగ్యకేంద్రంలో ఉదయం 10 గంటలు దాటినా సిబ్బంది ఎవరూ రావట్లేదు. ఉదయం 9 గంటలకే సిబ్బంది, వైద్యులు రావాల్సి ఉన్నా రోగులు ఇబ్బందులు ఎదుర్కొంటున్నారు.

యాదాద్రి భువనగిరి జిల్లా వలిగొండ మండలం వర్కట్ పల్లి ప్రాథమిక ఆరోగ్య కేంద్రంలో ఉదయం 10 గంటలు దాటినా సిబ్బంది ఎవరూ రాలేదు. ఆసుపత్రి ద్వారం తెరిచి ఎటో వెళ్లిపోయారు. సమయానికి సిబ్బంది రాక రోగులు అవస్థలు పడుతున్నారు. సాయంత్రం 4 గంటల వరకు ఉండకుండా మధ్యాహ్నం రెండింటికే వెళ్లిపోతున్నారని స్థానికులు చెబుతున్నారు. విధుల్లో నిర్లక్ష్యంగా ఉన్న అధికారులు, సిబ్బందిపై చర్యలు తీసుకోవాలని కోరుతున్నారు.

ఇవీ చూడండి: 9 నెలల పాప అని కూడా చూడకుండా...