'పది' ఉత్తమ విద్యార్థులతో కలెక్టర్​ విందు

పదో తరగతి ఫలితాల్లో 10 పాయింట్లు జీపీఏ సాధించిన సర్కారు బడి విద్యార్థులకు యాదాద్రి భువనగిరి కలెక్టర్​ అనితా రామచంద్రన్​ అభినందన సమావేశం ఏర్పాటుచేశారు. విద్యార్థులతో కలిసి భోజనం చేశారు. స్పష్టమైన లక్ష్యాలు ఏర్పాటుచేసుకొని విజయం సాధించాలని తెలిపారు.

యాదాద్రి భువనగిరి జిల్లాలో పదో తరగతి ఫలితాల్లో 10 పాయింట్లు జీపీఏ సాధించిన ప్రభుత్వ పాఠశాల విద్యార్థులకు కలెక్టర్​ అనితా రామచంద్రన్​ అభినందన సమావేశం ఏర్పాటుచేశారు. వారందరితో కలిసి భోజనం చేశారు. . విద్యార్థులు స్పష్టమైన లక్ష్యాలతో ముందుకెళ్లాలని సూచించారు. విద్యాబుద్ధులు నేర్పిన గురువులను, ఉన్నత స్థితికి చేర్చిన పాఠశాలలను మరచిపోవద్దన్నారు.

జిల్లాలో అత్యధికంగా రాజపేట మండలం రఘనాథపూర్​ ఉన్నత పాఠశాల నుంచి ఏడుగురు, రామన్నపేట మండలం జనంపల్లి రెసిడెన్షియల్​ స్కూల్​ నుంచి ఆరుగురు, చౌటుప్పల్​ బాలికల రెసిడెన్షియల్​ పాఠశాల నుంచి ఐదుగురు ఉన్నారు. మెుత్తం 26 మంది విద్యార్థులు హాజరవగా అందులో 23 మంది బాలికలే ఉండడం గమనార్షంఈ కార్యక్రమంలో జేసీ రమేష్​, శిక్షణ కలెక్టర్​ ప్రియాంక, డీఈవో రోహిణి పాల్గొన్నారు.

ఇవీ చూడండి:స్త్రీని గౌరవించినవారే బాగుపడ్డారు: ఈటల