కాసేపట్లో యాదాద్రికి సీఎం కేసీఆర్​.. ఏర్పాట్లు పూర్తి చేసిన అధికారులు

యాదాద్రిలో ముఖ్యమంత్రి కేసీఆర్​ పర్యటన సందర్భంగా అధికారులు అన్ని ఏర్పాట్లు పూర్తి చేశారు. ముఖ్యంగా సీఎం పర్యటించే ఏరియాను తమ ఆధీనంలోకి తీసుకున్నారు. బాంబ్​ స్క్వాడ్​, డాగ్​ స్క్వాడ్​తో ప్రత్యేత తనిఖీలు నిర్వహించారు.

ముఖ్యమంత్రి కేసీఆర్​ కాసేపట్లో యాదాద్రి భువనగిరి జిల్లాకు రానున్నారు. యాదాద్రిలో పర్యటించి.. ప్రభుత్వం ప్రతిష్టాత్మకంగా చేపడుతోన్న పలు అభివృద్ధి పనులను పరిశీలించనున్నారు. ఈ నేపథ్యంలో అధికారులు కట్టుదిట్టమైన భద్రత ఏర్పాటు చేశారు.

ఉదయం 11 గంటలకు యాదాద్రి చేరుకోనున్న సీఎం కేసీఆర్.. మొదటగా స్వామి వారిని దర్శించుకొని ప్రత్యేక పూజలు చేయనున్నారు. అనంతరం ఆలయ అభివృద్ధి పనులను క్షేత్ర స్థాయిలో పరిశీలించి.. హరిత హోటల్​లో అధికారులతో సమీక్ష సమావేశం నిర్వహించనున్నారు. ఇప్పటి వరకు జరిగిన పనుల సమాచారాన్ని అధికారులను అడిగి తెలుసుకోనున్నారు.

మరోవైపు ఎలాంటి అవాంఛనీయ ఘటనలు చోటుచేసుకోకుండా పోలీసులు అన్ని జాగ్రత్తలు తీసుకున్నారు. ముఖ్యంగా సీఎం పర్యటించే ఏరియాను బాంబ్ స్క్వాడ్, డాగ్ స్క్వాడ్​తో ప్రత్యేక తనిఖీ చేస్తున్నారు.