అయ్యప్పస్వామి మహాపడిపూజ నిర్వహించిన ప్రభుత్వ విప్​

ప్రభుత్వ విప్​ గొంగిడి సునితా మహేందర్​రెడ్డి దంపతులు యాదాద్రి జిల్లా వంగపల్లిలో మహాపడిపూజ నిర్వహించారు. అయ్యప్ప మాలాధారులు అధిక సంఖ్యలో పాల్గొని పూజా కార్యక్రమాన్ని ఘనంగా జరిపారు.

యాదగిరిగుట్ట మండలం వంగపల్లిలో ఆలేరు ఎమ్మెల్యే, ప్రభుత్వ విప్ గొంగిడి సునితా మహేందర్ రెడ్డి దంపతులు అయ్యప్ప స్వామి మహాపడి పూజ నిర్వహించారు. కేరళకు చెందిన నంబూద్రి గురుస్వామి ఆధ్వర్యంలో జరిగిన పడిపూజకు శాసన మండలి ఛైర్మన్ గుత్త సుఖేందర్ రెడ్డి హాజరయ్యారు. పూజకు నియోజకవర్గంలోని అయ్యప్పస్వామి మాలాధారులు అధిక సంఖ్యలో హాజరై... కార్యక్రమాన్ని ఘనంగా నిర్వహించారు. స్వామివారి శరణుఘోషతో ప్రాంగణమంతా మారుమోగింది. అనంతరం తీర్థప్రసాద వితరణతోపాటు అన్నదానం నిర్వహించారు.

ఇదీ చూడండి : సంక్షేమ బోర్డు.. సరకుల రవాణా.. బస్సుల తగ్గింపు!