నాలాల్లో అక్రమ నిర్మాణాలు తొలగించే పనిలో ప్రజలు సహకరించాలని వరంగల్ పశ్చిమ ఎమ్మెల్యే వినయభాస్కర్ కోరారు. హన్మకొండలో వరద ప్రభావిత ప్రాంతాల్లో ఆయన పర్యటించారు. ప్రజల సమస్యలను అడిగి తెలుసుకున్నారు.
నాలాలు వెడల్పు చేస్తున్న క్రమంలో ఇళ్లు పోతున్నాయని పలువులు బాధితులు తమ గోడును ఎమ్మెల్యేకి విన్నవించుకున్నారు. ఇళ్లను కూల్చి వేయొద్దని విజ్ఞప్తి చేసారు. ఈ క్రమంలో అక్కడ ఉన్న స్థానికులకు.. స్థానిక కార్పొరేటర్కు మధ్య వాగ్వాదం జరిగింది. నాలాల వెడల్పులో పేదల ఇళ్లు కోల్పోతే వారికి డబుల్ బెడ్ రూమ్ ఇళ్లు కట్టిస్తామని ఎమ్మెల్యే హామీ ఇచ్చారు.
ఇదీ చూడండి: పార్కింగ్ స్థలం ఎక్కడుందో.. చెప్పేసే యాప్ వచ్చేసింది!
