సికింద్రాబాద్ బోయిన్పల్లిలో నివాసం ఉంటున్న వెంగళ అఖిల గర్భవతి కావడంతో తన భర్త రమేశ్తో కలిసి హన్మకొండలోని అమ్మగారి ఇంటికి వచ్చింది. హన్మకొండలోని ఓ ప్రైవేటు ఆసుపత్రిలో పరీక్షలు నిర్వహించుకుంది. తిరిగి సికింద్రాబాద్కు వెళ్లేందుకు భార్యభర్తలు సిద్ధమయ్యారు.
లాక్డౌన్ కావడంతో.. కాజీపేట రైల్వేస్టేషన్కు వెళ్లేందుకు ఎలాంటి వాహనం అందుబాటులో లేదు. దీనితో మండుటెండలో కాలినడకన పయనమయ్యారు. జిల్లా పరిషత్ ప్రాంతంలో పెట్రోలింగ్ నిర్వహిస్తున్న సుబేదారి ఇన్స్పెక్టర్ రాఘవేందర్.. కాలినడకన వెళ్తున్న అఖిలను గమనించి... విషయం తెలుసుకున్నారు. తక్షణమే అఖిలను, ఆమె భర్తను పోలీస్ వాహనంలో కాజీపేట రైల్వేస్టేషన్లో దింపారు. దంపతులు ఇద్దరు పోలీసులు అందించిన సాయానికి కృతజ్ఞతలు తెలిపారు.
- ఇదీ చదవండి అంబులెన్స్లో గర్భిణి మృతిపై హైకోర్టు ఆందోళన
