హైదరాబాద్ నుంచి వరంగల్ అర్బన్ జిల్లాకు వచ్చిన భాజపా రాష్ట్ర అధ్యక్షుడు బండి సంజయ్కు నగర శివార్లలో కమలదళం ఘన స్వాగతం పలికింది. కడిపికొండ వంతెన వద్ద పెద్ద ఎత్తున పార్టీ నాయకులు... జిల్లా నేతలు, కార్యకర్తలు సంజయ్కు స్వాగతం పలికారు.
అనంతరం నగరంలోని ముఖ్య కూడళ్ల మీదుగా ర్యాలీ నిర్వహించారు. కాజీపేట, సుబేదారి, హన్మకొండ చౌరస్తా, ఎంజీఎం కూడలి వరంగల్ మీదుగా హంటర్ రోడ్ విష్ణుప్రియ గార్డెన్స్ వరకు ర్యాలీ కొనసాగింది. ఈ కార్యక్రమంలో వరంగల్ అర్బన్ అధ్యక్షురాలు రావు పద్మ, నగర మున్సిపల్ కార్పొరేషన్ ఇంఛార్జి జితేందర్ రెడ్డి, ఏనుగుల రాకేశ్ రెడ్డి, ధర్మాన ప్రసాదరావు తదితరులు ఆయనకు స్వాగతం పలికారు.
విష్ణుప్రియ గార్డెన్స్లో నిర్వహించే సభలో సంజయ్ పాల్గొంటారు. నగరానికి చెందిన పలువురు ప్రముఖులు... భాజపాలో చేరనున్నారు.
ఇదీ చూడండి: ప్రగతిభవన్ ముట్టడికి భాజపా కార్పొరేటర్ల యత్నం
