క్రికెట్ ఆడుతుండగా విద్యార్థుల మధ్య చెలరేగిన ఘర్షణ.. తారస్థాయికి చేరి పరస్పరం కొట్టుకునే వరకు చేరింది. ముష్టియుద్ధానికి దారితీసింది. అది కాస్తా ముదిరి పరిస్థితి విషమించింది. ఓ యువకుడు ముగ్గురిపై దాడి చేశాడు. మరో యువకుడు కర్ర తెచ్చిస్తే విచక్షణ కోల్పోయిన ఆ యువకుడు ఇద్దరిపై అదే కర్రతో భీకరంగా దాడి చేశాడు. తల, ముఖంపై కొట్టడంతో ఆ ఇద్దరు బాధితులు తీవ్రంగా గాయపడ్డారు. మొబైల్ ఫోన్లో రికార్డయిన ఆ దృశ్యాలను చూస్తే రౌడీషీటర్లను తలపిస్తున్నారు.
వరంగల్‌ అర్బన్‌ జిల్లా కాజీపేట ఉన్నత పాఠశాల విద్యార్థుల మధ్య ఘర్షణ చోటుచేసుకుంది. ఈ ఘటనలో ఇద్దరు తీవ్ర గాయాలపాలయ్యారు. ఈ సంఘటన ఆలస్యంగా వెలుగులోకి వచ్చింది. పాఠశాల మైదానంలో క్రికెట్ ఆడుకుంటుండగా విద్యార్థుల మధ్య గొడవ చెలరేగింది. బాధిత విద్యార్థుల ఫిర్యాదు మేరకు పోలీసులు కేసు నమోదు చేశారు.
ఇవీ చూడండి: మందుబాబులను చితకబాదిన మహిళ
