పాలిటెక్నిక్ కళాశాల విద్యార్థుల ర్యాలీ

విద్యారంగ సమస్యలు పరిష్కరించాలంటూ... వరంగల్ పట్టణంలో పాలిటెక్నిక్ కళాశాల విద్యార్థులు ర్యాలీ నిర్వహించారు.

విద్యారంగ సమస్యలను పరిష్కరించాలని డిమాండ్ చేస్తూ వరంగల్ నగరంలో విద్యార్థులు ఆందోళనకు దిగారు. టీఎస్​ఎఫ్ ఆధ్వర్యంలో పాలిటెక్నిక్ కళాశాల విద్యార్థులు తరగతి గదులను బహిష్కరించి ర్యాలీ చేపట్టారు. కళాశాల నుంచి ప్రారంభమైన ఈ ర్యాలీ భద్రకాళి ఆలయం మీదుగా ఎంజీఎం కూడలి వరకు సాగింది. అనంతరం ఎంజీఎం కూడలిలో మానవహారం నిర్వహించారు. పెరిగిన ఫీజులను నియంత్రించడంలో ప్రభుత్వం విఫలమైందని ఆరోపించారు. తమ సమస్యలను పరిష్కరించని పక్షంలో రాష్ట్రవ్యాప్తంగా ఆందోళన ఉద్ధృతం చేస్తామని హెచ్చరించారు.

ఇవీ చూడండి: నదిలో పడవ బోల్తా.. ఐదుగురు గల్లంతు