ఆరోగ్యవంతమైన సమాజంతోనే దేశాభివృద్ధి: ఎమ్మెల్యే

స్వచ్ఛ సర్వేక్షన్​లో భాగంగా వరంగల్​లోని శివనగర్​లో 2కే రన్ నిర్వహించారు. ఈ కార్యక్రమాన్ని ఎమ్మెల్యే నన్నపనేని నరేందర్ ప్రారంభించారు. ఆరోగ్యం బాగుంటేనే ఆలోచనలు బాగుంటాయని ఆయన అభిప్రాయపడ్డారు.

ఆరోగ్యం బాగుంటేనే ఆలోచన శక్తి మెరుగుపడుతుందని వరంగల్ తూర్పు ఎమ్మెల్యే నన్నపనేని నరేందర్ అన్నారు. స్వచ్ఛ సర్వేక్షన్​లో భాగంగా శివనగర్​లో ఏర్పాటు చేసిన రన్​ ఫర్ స్వచ్ఛ వరంగల్ 2కే రన్​ను జెండా ఊపి ఆయన ప్రారంభించారు.

తూర్పు నియోజకవర్గంలోని యువతను క్రీడారంగంలో ముందుకు తీసుకువస్తామని హామీ ఇచ్చారు. ఆరోగ్యవంతమైన సమాజంతోనే దేశం బాగుంటుందని అభిప్రాయపడ్డారు. అనంతరం యువకులతో కలిసి 2కే రన్​లో ఆయన పాల్గొన్నారు.

ఇదీ చదవండి: నిజాంసాగర్‌కు కొండపోచమ్మ నుంచి కాళేశ్వరం నీరు!