హన్మకొండ బస్టాండ్ రోడ్డు .... ఈ పేరు వింటేనే నగర వాసులకు వణుకుపుడుతోంది. హన్మకొండలోని బస్టాండ్ రోడ్డుపై వెళ్లాలంటే ప్రాణాలు అరచేతిలో పెట్టుకుని ప్రయాణించాలి.. ఇది ముమ్మాటికి సత్యం. హన్మకొండ బస్టాండ్ నుంచి రోజు వేలాది వాహనాలు నడుస్తాయి. ఇటీవలి వానలకు భారీగా గుంతలమయమై భయంకరంగా మారింది. ఈ రోడ్డుపై వాహనాలు వెళ్తుంటే ఎప్పుడు బురద నీళ్లు మీద పడుతాయోనని పక్కన ఉన్న వారు భయాందోళనకు గురవుతున్నారు.
ప్రయాణికులు ప్రాణాలు అరచేతిలో పెట్టుకొని ప్రయాణాన్ని కొనసాగిస్తున్నారు. వేరే మార్గంలో వెళ్లేందుకు గత్యంతరం లేక ప్రాణాలకు తెగించి ఈ రోడ్డుపై ప్రయాణిస్తున్నారు. రహదారులపై భారీ గుంతలతో నగరవాసులు ఇబ్బందులు పడుతుంటే స్థానిక ప్రజా ప్రతినిధులు ఏ మాత్రం పట్టించుకోవడం లేదు. గత కొన్ని సంవత్సరాలుగా అధ్వాన్నంగా ఉన్న ఈ రోడ్డు... ఇటీవలి వర్షాలకు మరికాస్త ప్రమాదకరంగా మారింది.
