వరంగల్ అర్బన్ జిల్లా హన్మకొండ మహిళ శిశు సంక్షేమ శాఖ ఆధ్వర్యంలో పోషక మాసోత్సవాలను ఘనంగా నిర్వహించారు. గర్భిణీ స్త్రీలు, చిన్న పిల్లలు తీసుకోవాల్సిన పోషకాహార పదార్థాలను స్టాళ్లలో ప్రదర్శించారు. అంగన్వాడీ కార్యకర్తలు కూరగాయలతో చేసిన బతుకమ్మ, పప్పు దినుసులు, పండ్లతో చేసిన పలు ఆకృతులు ఆకట్టున్నాయి.
రోగ నిరోధక శక్తిని పెంచుకునేందుకు... ముఖ్యంగా పిల్లల ఎదుగుదల కోసం ఎక్కువ పోషక విలువలు గల ఆహారం తీసుకునేలా అవగాహన కల్పిస్తున్నామని ఐసీడీఎస్ సీడీపీవో మధురిమ అన్నారు. కరోనాను ఎదుర్కోనేందుకు ప్రతిరోజు పండ్లు, కూరగాయలు తీసుకోవాలని ఆమె సూచించారు. బాలామృతంతో పలు రకాల పోషక విలువలు లభిస్తాయన్నారు.
