ఉమ్మడి వరంగల్​ జిల్లాలో పాక్షిక సూర్యగ్రహణం

ఉమ్మడి వరంగల్ జిల్లాలో ఉదయం ఆకాశం మేఘావృతమై ఉండడం వల్ల ప్రజలు సూర్యగ్రహణాన్ని వీక్షించలేకపోయారు. 10 గంటలకు మబ్బులు తొలగిపోయాక పాక్షిక సూర్యగ్రహణం కనిపించింది.

ఆకాశం మేఘావృతం కావడంతో ఉమ్మడి వరంగల్​ జిల్లా వాసులు ఉదయం సూర్యగ్రహణాన్ని వీక్షించలేకపోయారు. 10 గంటలకు కాస్త మబ్బులు తొలగిన అనంతరం.. కొన్ని చోట్ల ప్రజలు సూర్యగ్రహణాన్ని వీక్షించారు. మరి కొంతమంది తమ చరవాణిల్లో గ్రహణ కదలికలను బంధించే ప్రయత్నం చేశారు. జనగామ, మహబూబాబాద్​లలో పలు చోట్ల పాక్షికంగా సూర్యగ్రహణం కనిపించింది. జయశంకర్ భూపాలపల్లి, ములుగు జిల్లాల్లోని కొన్ని మండలాల్లో ఉదయం చిరుజల్లులు కురిశాయి.