మంచి సమాజాన్ని నిర్మిద్దాం

ప్రతి ఒక్కరూ సమాజం పట్ల అవగాహన పెంచుకోవాలని ఎన్​సీసీ విద్యార్థులు వరంగల్​లో ర్యాలీ చేపట్టారు. పరిసరాలను పరిశుభ్రంగా ఉంచుకోవాలని స్థానికులకు సూచించారు.

వరంగల్ నగరంలో సామాజిక అవగాహనపై ఎన్​సీసీ విద్యార్థులు ప్రదర్శన చేపట్టారు. హన్మకొండలోని హెడ్ క్వార్టర్స్ నుంచి ఆర్ట్స్ కళాశాల వరకు జరిగిన ర్యాలీలో ప్రజలకు అవగాహన కల్పించారు. క్లీన్ వరంగల్, క్లీన్ తెలంగాణ, గ్రీన్ ఇండియా అంటూ నినాదాలు చేశారు. కార్యక్రమంలో ఎన్​సీసీ బెటాలియన్ అధికారులు, సిబ్బంది పాల్గొన్నారు. ప్రతి ఒక్కరు నగరాన్ని పరిశుభ్రంగా ఉంచుకోవాలని కోరారు. ప్లాస్టిక్ వినియోగం వద్దని... నీటి వినియోగం, బాలిక సంరక్షణ, మొక్కల పెంపకం మొదలైన అంశాలపై కూడా అవగాహన కల్పించారు.

ఇవీ చూడండి:కార్తీక్​ రెడ్డికి చేవెళ్ల టికెట్​?​