వరంగల్ జాతీయ సాంకేతిక విద్యాసంస్థ (నిట్) ఆధ్వర్యంలో 100 మంది పేద విద్యార్థులకు ఉచితంగా ల్యాప్టాప్లు అందజేశారు. అధ్యాపకులు, పూర్వ విద్యార్థుల సహకారంతో ఈ కార్యక్రమాన్ని చేపట్టినట్లు నిట్ సంచాలకుడు ఎన్వీ రమణారావు తెలిపారు.
కరోనా కారణంగా విద్యాలయాలు తెరుచుకోకపోవడం వల్ల ఆన్లైన్ ద్వారానే విద్యాబోధన జరుగుతోందని అన్నారు. కొంతమంది పేద, మధ్య తరగతి విద్యార్థులు తరగతులకు దూరం కావద్దనే ఉద్దేశంతో ల్యాప్టాప్లను అందజేసినట్లు వెల్లడించారు. ఈ కార్యక్రమానికి సహకరించిన అధ్యాపకులు, పూర్వ విద్యార్థులను డైరెక్టర్ అభినందించారు. ఈ అవకాశాన్ని విద్యార్థులు సద్వినియోగం చేసుకుని కష్టపడి చదవాలని ఆయన సూచించారు.
