ఎంఎస్సీ నర్సింగ్, ఎంపీటీ కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు వరంగల్లోని కాళోజీ ఆరోగ్య విశ్వవిద్యాలయం తెలిపింది. కన్వీనర్ కోటా సీట్ల ప్రవేశాలకు యూనివర్సిటీ నోటిఫికేషన్ విడుదల చేసింది. అర్హులైన అభ్యర్థులు నేటి ఉదయం 9 గంటల నుంచి 27వ తేదీ సాయింత్రం 5 గంటల వరకు దరఖాస్తు చేసుకోవాలని తెలిపారు.
ధ్రువపత్రాల పరిశీలన అనంతరం తుది మెరిట్ జాబితాను విడుదల చేయనున్నట్లు వెల్లడించారు. మరింత సమాచారం కోసం యూనివర్సిటీ వెబ్ సైట్ను చూడాలని యూనివర్సిటీ అధికారులు తెలిపారు.
బీడీఎస్ కన్వీనర్ కోటా సీట్ల భర్తీకి సైతం నోటిఫికేషన్ను కాళోజీ ఆరోగ్య విశ్వవిద్యాలయం విడుదల చేసింది. ఇవాళ, రేపు వెబ్ కౌన్సెలింగ్ నిర్వహించనున్నారు. సాయింత్రం 5 గంటల నుంచి రేపు సాయంత్రం 4 గంటల వరకు వెబ్ ఆప్షన్లను నమోదు చేసుకోవాలి. ఇప్పటికే యూనివర్సిటీ విడుదల చేసిన తుది మెరిట్ జాబితాలోని అర్హులైన అభ్యర్థులు ఈ విడత వెబ్ కౌన్సెలింగ్‌లో పాల్గొనవచ్చు.
ఇదీ చదవండి: కేస్లాపూర్‌లో నాగోబా జాతర వేడుకలకు రంగం సిద్ధం
