గవర్నర్ తమిళిసై సౌందరరాజన్ వరంగల్ పర్యటన ఖరారైంది. ఈనెల 9న హైదరాబాద్ నుంచి రోడ్డు మార్గం ద్వారా యాదాద్రి భువనగిరి జిల్లా శ్రీలక్ష్మి నరసింహ స్వామిని దర్శించుకుని వరంగల్ చేరుకుంటారని రాజ్భవన్ వర్గాలు తెలిపాయి. వరంగల్లో ఇండియన్ రెడ్ క్రాస్ బ్లడ్ బ్యాంకులు సందర్శణతో పాటు కేంద్ర ప్రభుత్వం ఆధ్వర్యంలో ఏర్పాటు చేసిన జన్ ఔషధి జనరిక్ మెడికల్ షాప్ సందర్శించి రాత్రి హరిత కాకతీయలో బస చేయనున్నారు.
కాళేశ్వరం పర్యటన
10న వరంగల్ నుంచి రోడ్డు మార్గం ద్వారా జయశంకర్ భూపాలపల్లి జిల్లాకు చేరుకుంటారు. ముందుగా కాళేశ్వర ముక్తీశ్వర స్వామిని దర్శించుకున్న అనంతరం లక్ష్మి పంపు హౌస్తో పాటు బ్యారేజ్ను సందర్శించనున్నారు. రాత్రి ఎన్టీ పీసీ వసతి గృహంలో బస చేస్తారని అధికారులు తెలిపారు. 11న ఉదయం రోడ్డు మార్గం ద్వారా పెద్దపెల్లి జిల్లాకు వెళ్లనున్నారు. జిల్లాలో పలు అభివృద్ధి పనులకు శ్రీకారం చుట్టనున్నారు.
ఇవీ చూడండి : న్యాయం ప్రతీకారంగా మారకూడదు: జస్టిస్ బోబ్డే
