కేంద్ర రాష్ట్ర ప్రభుత్వాల ఆయుష్మాన్ భవ, ఆరోగ్య శ్రీ పథకాల ద్వారా ప్రతి పౌరుడు లబ్ధిపొందాలని, తద్వారా ఆరోగ్య తెలంగాణ సాకారం కావాలని గవర్నర్ తమిళిసై సౌందరరాజన్ పిలుపునిచ్చారు. వరంగల్ పర్యటనలో భాగంగా హన్మకొండలోని రెడ్క్రాస్ సంస్థను గవర్నర్ సందర్శించారు. రెడ్క్రాస్ ఆవరణలో మొక్కలు నాటారు. జనరిక్ మందుల దుకాణాన్ని, రక్తనిధి కేంద్రాన్ని సందర్శించారు. నూతనంగా నిర్మించనున్న తలసేమియా అదనపు భవనానికి గవర్నర్ శంకుస్థాపన చేశారు.
అనంతరం జూనియర్ యూత్ రెడ్క్రాస్ విద్యార్థులను ఉద్దేశించి ప్రసంగించారు. వరంగల్ రెడ్క్రాస్ సేవలను కొనియాడారు. ప్రాణాలు హరిస్తున్న డెంగీకి సవాల్ విసిరేందుకు...హైదరాబాద్లో ఐసీఎంఆర్ ప్రాజెక్టు రాబోతుందని సౌందర రాజన్ తెలిపారు. వ్యాధి కన్నా మందుల ధరల గురించే రోగులు ఆందోళన చెందుతున్నారని.. జనరిక్ మందుల షాపుల్లో తక్కువ ధరలకే లభించడం గొప్ప విషయమని గవర్నర్ తెలిపారు.
ఇదీ చూడండి: హన్మకొండకు చేరుకున్న తమిళిసై
