మున్సిపల్ ఎన్నికల్లో ఘర్షణలు తలెత్తాయి. వరంగల్లోని 34వ డివిజన్లో తెరాస నాయకులు దౌర్జన్యానికి దిగారు. భాజపా కార్యకర్తల చొక్కాలను చించివేశారు. పోలీసులు ముందే ఇంత జరుగుతున్నా స్పందించకపోవడంతో అనేక విమర్శలు వస్తున్నాయి.
భాజపా, తెరాస నాయకుల మధ్య ఘర్షణ
వరంగల్ తూర్పు ఎమ్మెల్యే నన్నపనేని నరేందర్ కనుసన్నల్లోనే తెరాస నాయకులు అరాచకాలను సృష్టిస్తున్నారని భాజపా కార్యకర్తలు ఆరోపిస్తున్నారు. ఎమ్మెల్యే సమక్షంలోనే వారి దుస్తులు చించుతూ రెచ్చిపోయారు. అలాగే 16వ డివిజన్లో పోలీసులు అత్యుత్సాహంతో పోలింగ్ కేంద్రం వద్దకు వచ్చిన భాజపా అభ్యర్థి బంధువు చొక్కాను విడిపించడం వివాదాస్పదంగా మారింది. ఇదిలా ఉండగా ఇస్లామిక్ కళాశాల వద్ద చోటు చేసుకున్న ఘటనను సీపీ తరుణ్ జోషి పరిశీలించారు.
