లాక్డౌన్ పటిష్టంగా అమలు చేసేందుకు వరంగల్ పోలీసులు నూతనంగా సిటిజన్ ట్రాకింగ్ యాప్ వినియోగిస్తున్నారు. రాష్ట్ర ప్రభుత్వం సూచనల మేరకు నూతన సాంకేతిక పరిజ్ఞానంతో పోలీస్ శాఖ ఈ యాప్ను రూపొందించింది. వాహనదారులు మూడు కిలోమీటర్ల దాటి ప్రయాణం చేస్తే ఈ యాప్ ద్వారా వారిపై కేసు నమోదు చేయటం, జరిమానా విధింపు ఉంటుందని వరంగల్ ఏసీపీ ప్రతాప్ తెలిపారు.
రెండు రోజుల వ్యవధిలో 149 ద్విచక్ర వాహనాలు, 110 ఆటోలను సీజ్ చేసి రైల్వే స్టేషన్, బస్ స్టేషన్లోని పార్కింగ్ స్థలాలకు తరలించారు. చెక్ పాయింట్ వద్ద వాహన వివరాలు యాప్లో నమోదు చేస్తారు. మరో చెక్ పాయింట్ వద్ద వాహన వివరాలు ఎంటర్ చేస్తారు. 3 కిలోమీటర్ల కంటే ఎక్కువ దూరం ప్రయాణిస్తే జరిమానా విధిస్తారు. పదే పదే తిరిగినా యాప్ పట్టేస్తుందని ఏసీపీ తెలిపారు. అందువల్ల ఎవరూ అనవసరంగా రోడ్లపైకి రావొద్దని హెచ్చరించారు.
ఇదీ చూడండి: 'రక్తదాతలు ముందుకు వస్తే ఏర్పాట్లు చేస్తాం'
