హన్మకొండలో నేటినుంచి అతిరుద్ర మహాయాగం

హన్మకొండలో భవిత చిట్​ఫండ్స్​ ఆధ్వర్యంలో నేటి నుంచి అతిరుద్ర మహాయాగం నిర్వహించారు. దీనిలో భాగంగా శనివారం వేదపండితులు శోభాయాత్రను నిర్వహించారు. నేటి నుంచి ఈనెల 21 వరకు ఈ యాగం కొనసాగనున్నట్లు నిర్వాహకులు తెలిపారు.

వరంగల్ అర్బన్​ జిల్లా హన్మకొండలో నేటి నుంచి జరగనున్న అతి రుద్ర మహాయాగాన్ని పురస్కరించుకుని శనివారం వేదపండితులు శోభాయాత్ర నిర్వహించారు. వెయ్యిస్తంభాల ఆలయంలోని పార్వతీ పరమేశ్వరుని ఉత్సవ విగ్రహాలతో చేసిన ఈ శోభాయాత్ర... డప్పు వాయిద్యాల మధ్య వైభవంగా జరిగింది.

హన్మకొండ హయగ్రీవాచారి మైదానంలో ఏడు రోజుల పాటు జరిగే ఈ మహా యాగ ప్రారంభోత్సవానికి ప్రభుత్వ ఛీప్​ విప్ వినయ్ భాస్కర్, దేవాదాయశాఖ మంత్రి ఇంద్రకరణ్ రెడ్డి, పంచాయతీరాజ్ ​శాఖ మంత్రి ఎర్రబెల్లి దయాకర్ రావు హాజరుకానున్నట్లు నిర్వాహకులు తెలిపారు. యాగానికి ప్రతిరోజు ఒకరి చొప్పున ప్రముఖ ప్రవచకులచే ధార్మిక ప్రసంగాలు ఉంటాయన్నారు.

ఇదీ చూడండి: అయేషా గోళ్లు, ఎముకలు, కేశాల పరిశీలన