ప్రజాప్రతినిధులకు మరిన్ని అధికారాలిస్తాం: ఎర్రబెల్లి

జడ్పీటీసీ, ఎంపీటీసీలకు మరిన్ని అధికారాలను ఇవ్వబోతున్నట్లు పంచాయతీరాజ్​ శాఖ మంత్రి ఎర్రబెల్లి దయాకర్​రావు వెల్లడించారు. రెవెన్యూ శాఖను ప్రక్షాళన చేసి.. ప్రజలకు పారదర్శక సేవలందించే విధంగా తయారుచేస్తామని తెలిపారు.

వరంగల్​ గ్రామీణ జిల్లా నర్సంపేట పట్టణంలో తెరాస ముఖ్య కార్యకర్తల సమావేశం జరిగింది. పంచాయతీరాజ్​ శాఖ మంత్రి ఎర్రబెల్లి దయాకర్​రావు ముఖ్యఅతిథిగా హాజరయ్యారు. రానున్న స్థానిక సంస్థల ఎన్నికల్లో తెరాసదే విజయమని ధీమా వ్యక్తం చేశారు. ఎంపీటీసీ, జడ్పీటీసీలకు మరిన్ని అధికారాలు ఇస్తామన్నారు. రెవెన్యూ వ్యవస్థ వల్ల ప్రభుత్వానికి చెడ్డ పేరు వస్తోందని...అందువల్లనే ప్రక్షాళన దిశగా ఆలోచన చేస్తున్నామని తెలిపారు. ఈ కార్యక్రమంలో ఎంపీ సీతారాం నాయక్​, ఎమ్మెల్యే సుదర్శన్​రెడ్డి, మాజీ మంత్రి చందూలాల్​ పాల్గొన్నారు.

ఇవీ చూడండి : 'ఇంటర్​ బోర్డు ఎదుట ధర్నా విజయవంతం'