మద్యంలో నీళ్లు కలిపి అమ్మకాలు జరుపుతున్న ఓ దుకాణదారుని ఆట కట్టించారు అబ్కారీ శాఖ అధికారులు. వరంగల్ గ్రామీణ జిల్లా వర్ధన్నపేట మండలంలోని ఇల్లందలోని శివమహేశ్వర వైన్స్లో మద్యం సీసాలలో నీళ్లు కలిపి అమ్ముతున్నారనే సమాచారంతో ఎక్సైజ్‌ ఎన్‌ఫోర్స్‌మెంట్‌, డీటీఎఫ్‌ అధికారులు దాడులు నిర్వహించారు. 19 ఫుల్‌ బాటిళ్లను స్వాధీనం చేసుకుని దుకాణాన్ని సీజ్‌ చేశారు. కేసు నమోదు చేసినట్లు అధికారులు తెలిపారు. ఈ విధంగా కూడా మమ్మల్ని మోసం చేస్తారా అంటూ మందుబాబులు ఆశ్చర్యం వ్యక్తం చేస్తున్నారు.
ఇవీ చూడండి: గ్యాస్ సిలిండర్ పేలి గుడిసె దగ్ధం
