అంబులెన్స్​లోనే టెన్త్​ పరీక్షకు హాజరైన విద్యార్థిని

పదో తరగతి చివరి పరీక్ష కోసం సన్నద్ధం అవుతుండగా... జెర్రి కుట్టి తీవ్ర అస్వస్థతకు గురైంది ఓ విద్యార్థిని. అయినా పట్టు వీడలేదు. అంబులెన్స్​లో పరీక్షకు హాజరై స్ఫూర్తిగా నిలిచింది.

వరంగల్ గ్రామీణ జిల్లా రాయపర్తి మండలంలోని తీర్మాలయపల్లి కస్తూర్బా గురుకుల పాఠశాలలో దివ్య పదోతరగతి చదువుకుంటోంది. చివరి పరీక్షకు సన్నద్ధమవుతుండగా నిన్న రాత్రి విద్యార్థినికి జెర్రి కుట్టింది. తీవ్ర అస్వస్థతకు గురైన దివ్యను ఎంజీఎం ఆసుపత్రిలో చేర్పించారు. పదోతరగతి ఆఖరు పరీక్షకు హాజరు కావాలనుకుని విద్యార్థిని నిర్ణయించుకుంది. వైద్యుల సాయంతో పరీక్ష కేంద్రానికి వచ్చింది. పరీక్ష అనంతరం విద్యార్థినిని ఆసుపత్రికి తీసుకెళ్లారు.

ఇవీ చూడండి:టీవీ పేలి ముగ్గురు చిన్నారులు మృతి