వరంగల్ గ్రామీణ జిల్లాలో కరోనా వైరస్ వ్యాప్తిని అరికట్టడం కోసం పోలీసులు తీవ్రంగా ఒత్తిడిని పెంచారు. నర్సంపేట నియోజకవర్గంలో అకారణంగా రోడ్లపై రాకూడదని సూచించారు. వాహనాలపై వచ్చే ప్రతీ వ్యక్తిని విచారిస్తూ కరోనా తీవ్రతను వివరిస్తున్నారు.
నిత్యావసర, పండ్ల దుకాణాలను సైతం మధ్యాహ్నం లోపే బంద్ చేయించారు. నర్సంపేట పట్టణంలోని అంబేడ్కర్ సెంటర్ కూడలి రోడ్డుపై కరోనా మహమ్మారిని ప్రారదోలే విధంగా పలు చిత్రాలను గీశారు. ఇంట్లోనే ఉండండి కరోనాను తరిమి వేయండనే నినాదాలతో రోడ్లపై పేయింటింగ్ వేశారు. అకారణంగా తిరిగే ఆకతాయిలకు దేహశుద్ది చేసి పంపుతున్నారు.
ఇదీ చూడండి : ఔషధాల లేమి... పొంచి ఉన్న ప్రమాదం
