వరంగల్ రూరల్ జిల్లా పరకాల మండలం లక్ష్మీపూర్లో కేసీఆర్ చిత్రపటానికి పాలాభిషేకం చేశారు. ఈ కార్యక్రమానికి ముఖ్యఅతిథులుగా రైతు సమన్వయ సమితి జిల్లా అధ్యక్షుడు భిక్షపతి, వ్యవసాయ మార్కెట్ ఛైర్మన్ రమేశ్లు హాజరయ్యారు. రాష్ట్ర ముఖ్యమంత్రి కేసీఆర్ కరోనావైరస్పై ప్రజలను అప్రమత్తం చేస్తూనే.. రైతులకోసం నిరంతరం శ్రమిస్తున్నారని భిక్షపతి కొనియాడారు. రైతులకు ఎకరాకు పదివేల రూపాయల చొప్పున పంట సాయం అందిస్తున్నారని పేర్కొన్నారు.
ప్రతి గ్రామంలో ధాన్యం కొనుగోలు కేంద్రం ఏర్పాటు చేసి.. చివరి ధాన్యం గింజను సైతం కొనుగోలు చేసిన ఘనత సీఎం కేసీఆర్కే దక్కుతుందని వ్యవసాయ మార్కెట్ ఛైర్మన్ రమేశ్ అన్నారు. ఈకార్యక్రమంలో తెరాస మండల అధ్యక్షులు అశోక్, పరకాల మండలం వైస్ ఎంపీపీ మధుసూదన్ రెడ్డి, ఏఎంసీ డైరెక్టర్ సురేశ్, భిక్షపతి, తెరాస గ్రామ కమిటీ అధ్యక్షులు రాజు, కార్యదర్శి రాజయ్య, స్థానిక తెరాస నాయకులు, కార్యకర్తలు తదితరులు పాల్గొన్నారు.
ఇదీ చూడండి: ముఖ్యమంత్రులతో రెండో రోజు మోదీ భేటీ
