పోలీసు ఎస్కార్ట్​తో ఆర్టీసీ బస్సు రైట్ రైట్​..!

రాష్ట్ర వ్యాప్తంగా ఆర్టీసీ జేఏసీ బంద్ పిలుపు మేరకు వాణిజ్య, వ్యాపార, విద్యా సంస్థలు స్వచ్ఛందంగా బంద్ పాటించాయి. వరంగల్ జిల్లా పరకాలలో పోలీసులు బస్సులను నడిపించాలని ఎస్కార్ట్​ కల్పించి ముమ్మరంగా ప్రయత్నాలు చేశారు.

వరంగల్ రూరల్ జిల్లా పరకాల పట్టణంలో బంద్ ప్రశాంతంగా ముగిసింది. బంద్ కారణంగా బస్సులు డిపోలకే పరిమితమయ్యాయి. ఉదయం 9 గంటల వరకు ఒక్క బస్సు కూడా బయటకు రాలేదు. అనంతరం 4 బస్సులను పోలీసులు భారీ బందోబస్తు మధ్య నడిపించే ప్రయత్నం చేశారు. బంద్ కారణంగా ఎలాంటి అవాంఛనీయ సంఘటనలు చోటు చేసుకోకుండా ఆర్టీసీ కార్మికులను ముందస్తుగా అరెస్టు చేశారు.