ప్రత్యేక రాష్ట్ర ఏర్పాటును వ్యతిరేకించిన ఎంఐఎం పార్టీతో తెరాస పొత్తు పెట్టుకోవటం బాధాకరమని భాజపా రాష్ట్ర అధ్యక్షుడు బండి సంజయ్కుమార్ తెలిపారు. వరంగల్ గ్రామీణ జిల్లా పరకాలలో పర్యటించిన సంజయ్.. అమరధామంలో అమరవీరులకు నివాళులర్పించారు. ఓటు బ్యాంకు రాజకీయాల కోసమే ముఖ్యమంత్రి కేసీఆర్ ఎమ్ఐఎంతో పొత్తు పెట్టుకున్నారని బండి సంజయ్ ఆరోపించారు.
సీఎం కేసీఆర్ హిందూ వ్యతిరేకిగా ప్రవర్తిస్తున్నాడన్నారు. రాష్ట్రంలో హిందువుల పండగలను సీఎం అడ్డుకుంటున్నారని వ్యాఖ్యానించారు. తెరాస అధికారంలోకి రాకముందు సెప్టెంబర్ 17 అధికారికంగా నిర్వహించాలని డిమాండ్ చేసిన కేసీఆర్... ఇప్పుడు ఎందుకు నిర్వహించడం లేదో తెలపాలని డిమాండ్ చేశారు.
