రాష్ట్రంలో కరోనా కలకలం కొనసాగుతోంది. వరంగల్ జిల్లా పర్వతగిరి మండలం ఏనుగల్ గ్రామానికి చెందిన ఓ వ్యక్తి మంగళవారం రాత్రి మరణించగా.. అతనికి కొవిడ్‌ పాజిటివ్‌ అని ఆలస్యంగా తెలిసింది. బుధవారం అంత్యక్రియలు నిర్వహించారు. ఆ తర్వాత ఆశా వర్కర్ మొబైల్‌కు అతను కరోనా బారినపడినట్లు సమాచారం వచ్చింది.
అంత్యక్రియలకు హాజరైన గ్రామస్థులు ఈ విషయంపై ఆందోళన చెందుతున్నారు. ప్రత్యేకంగా దృష్టి సారించిన వైద్యాధికారులు క్యాంప్‌ నిర్వహించి లక్షణాలు ఉన్నావారిని పరీక్షిస్తున్నారు. ఏనుగల్‌లో ఇప్పటికే 20 మందికి పైగా కరోనా పాజిటివ్‌ ఉందని తేలింది. గ్రామస్థులు గృహ నిర్భంధంలోకి వెళ్లిపోగా.. రాకపోకలు బహిష్కరించారు.
ఇదీ చూడండి: రాష్ట్రంలో మరో 3,307 కరోనా కేసులు, 8 మరణాలు
