'పరిశుభ్రత బాధ్యత మున్సిపాలిటీలదే'

మున్సిపాల్టీలోని మురికి కాల్వలను ఎప్పటికప్పుడు శుభ్రం చేయించే బాధ్యత మున్సిపల్ సిబ్బందిదేనని వనపర్తి జిల్లా కలెక్టర్​ శ్వేతా మహంతి అన్నారు. జిల్లాకేంద్రంలోని కమలానగర్​ వార్డులో ఆమె పర్యటించారు.

ఖాళీ స్థలాల్లో చెత్తాచెదారం వేయకుండా చర్యలు తీసుకోవాలని మున్సిపల్​ కమిషనర్​ రజనీకాంత్​ రెడ్డిని వనపర్తి జిల్లా కలెక్టర్​ శ్వేతా మహంతి ఆదేశించారు. వనపర్తిలోని కమలానగర్​ వార్డులో పర్యటించి పారిశుద్ధ్యాన్ని పరిశీలించారు. మురుగు నీరు రోడ్డుపైకి చేరి అనారోగ్యం పాలవుతున్నామని కాలనీవాసులు పాలనాధికారికి విజ్ఞప్తి చేశారు. స్పందించిన కలెక్టర్​ కాలనీ లేఅవుట్లు చూసి ప్రణాళిక ప్రకారం మురికి కాలువల నిర్మాణంపై తనకు సమాచారం అందించాలని మున్సిపల్​ కమిషనర్​ను కోరారు.

• ఇదీ చూడండి :నాంపల్లిలో నమో భారత్​ - నవతెలంగాణ సభ