వనపర్తి జిల్లాలోని పలు మండలల్లో శనివారం రాత్రి భారీ వర్షం కురిసింది. పెబ్బేరు, పానగల్, వీపనగండ్ల మండలాల్లో కురిసిన వాన.. తన ఉద్ధృతిని చూపించింది. పెబ్బేరు మండలంలో 156 మిల్లీ మీటర్ల వర్షపాతం నమోదైనట్లు అధికారులు పేర్కొంటున్నారు.
దీనితో పెబ్బేరు, వనపర్తి, పానగల్లు, కొల్లాపూర్, నాగరాల రహదారులు జల దిగ్బంధం అయ్యాయి. పలు చెరువులు, కుంటలు పొంగిపొర్లాయి. వందల ఎకరాల్లోని వరిపంట నీట మునిగింది. ఇప్పటికే నిండుకుండను తలపిస్తున్న వాగులు వంకలు రాత్రి కురిసిన వర్షంతో అలుగులు పోశాయి.
ఇదీ చూడండి : భాజపా రాష్ట్ర కమిటీని ప్రకటించిన బండి సంజయ్
