వికారాబాద్ జిల్లా అనంతగిరి హరిత రిసార్ట్స్లోని కరోనా వైరస్ ఐసోలేషన్ సెంటర్లో 30 మంది అబ్జర్వేషన్లో ఉన్నారని ఎస్పీ నారాయణ తెలిపారు. ఈ 30 మంది 7 దేశాల నుంచి వచ్చిన వ్యక్తులని స్పష్టం చేశారు.
వీరిని 14 రోజులు పరిశీలనలో ఉంచి వైరస్ పాజిటివ్ లక్షణాలు కనిపిస్తే గాంధీ ఆసుపత్రికి తరలిస్తామని ఎస్పీ వెల్లడించారు. వికారాబాద్లో ఎవరికీ కరోనా వైరస్ సోకలేదని, ప్రజలెవరూ భయభ్రాంతులకు గురికావాల్సిన అవసరం లేదని ధైర్యం చెప్పారు. సామాజిక మాధ్యమాల్లో వచ్చే తప్పుడు వార్తలు నమ్మవద్దని, ఎవరైనా వదంతులు ప్రచారం చేస్తే కఠిన చర్యలు తీసుకుంటామని తెలిపారు.
వికారాబాద్లో ఎవరికీ కరోనా సోకలేదు : ఎస్పీ నారాయణ
- ఇదీ చూడండి : రాష్ట్రంలో నాలుగుకు చేరిన కరోనా కేసులు
