పల్లెలు దేశానికి పట్టుకొమ్మల లాంటివని ఎమ్మెల్యే పట్నం నరేందర్రెడ్డి పేర్కొన్నారు. సోమవారం వికారాబాద్ జిల్లా కొడంగల్ నియోజకవర్గం దౌల్తాబాద్ మండలంలోని పలు గ్రామాల్లో రూ.40 లక్షల నిధులతో చేపట్టిన అభివృద్ధి పనులకు జడ్పీ ఛైర్పర్సన్ సునీత మహేందర్రెడ్డితో కలిసి శంకుస్థాపన చేశారు.
మార్పు అనేది గ్రామాల నుంచే మొదలవ్వాలని ఎమ్మెల్యే పేర్కొన్నారు. గ్రామాల్లో చాలామంది మరుగుదొడ్లు నిర్మించుకున్నా.. వాటిని వినియోగించుకోకుండా బహిరంగ మల విసర్జనలు చేస్తున్నారన్నారు. బహిరంగ మల విసర్జన చేయడం వల్ల పరిసరాలు అపరిశుభ్రంగా మారి అనారోగ్యాలకు గురవుతారని హెచ్చరించారు.
ఇటీవల నిర్వహించిన ఓ సర్వేలో మధ్య తరగతికి చెందిన ప్రజలు సంవత్సరానికి రూ. 10 వేలకు పైగా ఆస్పత్రులకు చెల్లిస్తున్నట్లు తేలిందని తెలిపారు. ఇప్పటికైనా ప్రజలు బహిరంగ మలవిసర్జన మానుకుని మరుగుదొడ్లను ఉపయోగించాలని సూచించారు. కార్యక్రమంలో ఎంపీపీ విజయ్కుమార్ గౌడ్, జడ్పీటీసీ కోట్ల మహిపాల్, తెరాస నాయకులు మధు యాదవ్ తదితరులు పాల్గొన్నారు.
ఇవీ చూడండి: 330 స్టాళ్లతో పుస్తకాల ప్రదర్శన
